جۇڭگو ئۇيغۇرچە رادىيو تورى 21-يانۋار بېيجىڭ خەۋىرى:

گوۋۇيۈەن ئاخبارات ئىشخانىسى 1-ئاينىڭ 18-كۈنى ئاخبارات ئېلان قىلىش يىغىنى ئاچتى، يىغىندا مۇنۇلار ئۇقتۇرۇلدى: دەسلەپكى ھېسابلاشقا قارىغاندا، 2020-يىلى ئىچكى ئىشلەپچىقىرىش ئومۇمىي قىممىتى 101 تىرىليون 598 مىليارد 600 مىليون يۈەن بولۇپ، ئۆزگەرمەس باھا بويىچە ھېسابلىغاندا، ئالدىنقى يىلدىكىدىن %2.3 ئاشقان. پەسىل بويىچە قارىغاندا، 1-پەسىلدە ئوخشاش مەزگىلدىكىدىن %6.8 تۆۋەنلىگەن، 2-پەسىلدە %3.2، 3-پەسىلدە %4.9، 4-پەسىلدە %6.5 ئاشقان. كەسىپ بويىچە قارىغاندا، 1-كەسىپنىڭ قوشۇلما قىممىتى يەتتە تىرىليون 775 مىليارد 400 مىليون يۈەنگە يېتىپ، بۇلتۇرقىدىن %3 ئاشقان؛ 2-كەسىپنىڭ قوشۇلما قىممىتى 38 تىرىليون 425 مىليارد 500 مىليون يۈەنگە يېتىپ، %2.6 ئاشقان؛ 3-كەسىپنىڭ قوشۇلما قىممىتى 55 تىرىليون 397 مىليارد 700 مىليون يۈەنگە يېتىپ، %2.1 ئاشقان.