merkiziy xelq radiyo istansisi jungxua xelq jumhuriyitining döletlik radiyo istansisi, junggodiki eng muhim, eng nopuzluq we tesiri eng zor uniwérsal axbarat orginining biri. Inglizche nami: CHINA NATIONAL RADIO, qisqartilip CNR dep atilidu.
merkiziy xelq radiyo istansisi 1940-yili 30-dékabir anglitish bashlighan bolup, burunqi yenen shinxua radiyo istansisi asasida qurulghan. 1949-yili 5-dékabir merkiziy xelq radiyo istansisi dep resmiy nam bérilgen.
merkizy xelq radiyo istansisi pütün memliketni qaplighan birdinbir radiyo istansisi, junggoda 700 milyondin artuq anglighuchisi bar, dunya boyiche dölet ichidiki anglighuchiliri eng köp radiyo istansisi. Hazir istansimizda junggo awazi, iqtisad awazi, Küy awazi, sheher awazi, jungxua awazi, shénju awazi, xuashya awazining qosh tilliq chastotisi, xuashya awazining ortaq tildiki chastotisi, milletler awazi, edebiyat-senet awazi, yashanghanlar awazi, zangzuche chastota, xoshalliq radiyosi, uyghurche chastotidin ibaret 14 yürüsh simsiz radiyo pirogrammisi bar bolup, künboyi jemiy 300 saetke yéqin anglitish béridu.
köp yillardin béri, merkiziy xelq radiyo istansisi "dunya bilen hemqedem bolush, dewr bilen teng ilgirilesh"te ching turdi, dölet ichi we sirtidiki muhim xewer neq meydanlirida bashtin ayagh merkiziy xelq radiyo istansisining xadimlirini körgili bolidu. 1949-yili 1-öktebir, merkiziy xelq radiyo istansisi pütün memliket, hetta dunyagha jungxua xelq jumhuriyitining dölet qurush murasimidin biwaste anglitish berdi. 2009-yili birinchi öktebir, yéngi junggo qurulghanliqining 60 yilliqini tebriklesh murasimida, merkiziy xelq radiyo istansisi pütün médiya sheklide, yighin tentenisi, herbiy parat we ammining tebriklesh paaliyitini bashtin ayagh biwasite tarqitip, junggoning radiyo tarixidiki bir qétimliq qaltis xewer qilish möjizisini yaratti. Buningdin sirt, merkiziy xelq radiyo istansisi yene dunyaning közi tikilgen béyjing olimpik tenheriket musabiqisida, hoquqluq ulap anglatquchi bolush salahiyiti bilen, radiyo anglitish saheside xewer qilishtiki yéngi bösüshlerni ishqa ashurup, dunyadiki kesipdashlarning apirin éytishigha érishti. Wénchüendiki pewquladde zor yer tewresh apitini xewer qilghanda, merkiziy xelq radiyo istansisi radiyoning alahide mezgil, jiddiy ehwaldiki muhim rolini toluq jari qildurup, yer tewreshke taqabil turup, apettin qutquzush xizmitide, ünümlük uchur bilen teminleshni ishqa ashurup, élimiz ammisining qiyinchiliqni yéngishqa bolghan ishenchisi we iradisini urghutti.
merkiziy xelq radiyo istansisi radiyoni tayanch qilip, yéngi médiya kespini omumyüzluk qanat yaydurdi, herxil axbarat tarqitish wastisini béyitip, nöwette junggodiki eng chong radiyo, awaz tori "junggo radiyo tori", az sanliq milletler radiyo tori (alte xil til-yéziqta), tor radiyo istansisi "samanyoli istansisi"ni qurup chiqti. Töt yürüsh reqemlik radiyo pirogrammisi, bir yürüsh reqemlik téléwiziye qanili, bir yürüsh yanfon téléwiziye qanili, üch yürüsh yanfon radiyo pirogrammisi, shundaqla bir yürüsh mal sétish téléwiziye qanilini tesis qildi. Buningdin sirt, merkiziy xelq radiyo istansisi yene "junggo radiyosi" zhurnili, "küy awazi" zhurnili, "junggo radiyo géziti" qatarliqlarni tesis qildi, junggo radiyo ün-sin neshriyati qatarliq apparatlarni qurdi. Merkiziy xelq radiyo istansisining qarmiqidiki shirket − yangguang axbarat tarqitish tereqqiyat bash shirkiti merkiziy xelq radiyo istansisining kirim qilishqa bolidighan pirogramma bayliqigha tayinip, bazarni aktip kéngeytip, merkiziy xelq radiyo istansisining ishlesh bilen qoyushni ayrish xizmitini chöridep, ilgiri axir bolup sekkiz tarmaq, shöbe shirket qurup, köpligen pul muamile apparatlirining meblegh ishenchisige érishti, hemde junggo radiyo kespidiki muhim shirketlerning birige aylandi.
merkiziy xelq radiyo istansisi junggodiki ölke, aptonom rayon, biwasite qarashliq sheher, pilani ayrim sheherler we shyanggang alahide memuriy rayoni, awmén alahide memuriy rayonida 40 muxbirlar ponkiti we ish béjirish orni qurdi. Junggoning teywen rayonigha daimiy turushluq muxbir ewetti. Azatliq armiyining töt bash bölümi, herbiy rayonlar, armiye türliri, qoralliq saqchi qisimda 18 herbiy muxbirlar ponkiti tesis qildi. Merkiziy xelq radiyo istansisi bashlamchi bolup, pütün memlikettiki 140 tin artuq radiyo istansisidin teshkil tapqan junggo radiyo ittipaqini qurdi we dunyadiki herqaysi chong xenzuche radiyo anglitidighan organlar bilen bille dunya xenzuche radiyo torini qurup, dunyadiki köp sanliq dölet we rayondiki dangliq axbarat tarqitish organliri bilen keng dairilik kespi hemkarliq mulazimet munasiwiti ornatti.
merkiziy xelq radiyo istansisida dölet ichi we xelqarada aldinqi qatarda turidighan reqemliq köp médiyaliq anglitish zali, awaz élish öyi we muzika zali bar. Pirogramma ishlesh, saqlash, qoyush, tarqitishta omumyüzlük reqemleshtürüsh ishqa ashurulghan. Merkiziy xelq radiyo istansisi junggodiki aliy muherrir, aliy muxbir, aliy diktor, aliy inzhénér, aliy terjiman qatarliq yuqiri sewiyediki kespiy ixtisasliqlar eng köp radiyo istansisi, küchlük pirogramma ishlesh iqtidari we aldinqi qatarda turidighan pirogramma ishlesh sewiyesige ige. Merkiziy xelq radiyo istansisi ishligen pirogrammilar köp qétim asiya radiyo mukapati, bérlin kelgüsi mukapati qatarliq xelqaraliq mukapat we dölet ichidiki mukapatlargha érishken. Junggo hetta dunyadimu zor abroygha ige.
merkiziy xelq radiyo istansisi ezeldin herqaysi sahelerdiki erbaplar, axbarat organliri bilen bolghan alaqe we hemkarliqqa étibar bérip keldi, dölet ichi we sirtidiki axbarat wastiliri bilen yaxshi qosh tereplik munasiwet we köp tereplik hemkarliq munasiwitini saqlap keldi. Merkiziy xelq radiyo istansisi köp xil shekilde axbarat sahesidiki kespdashliri bilen bolghan munasiwet we özara chüshinishni téximu chongqurlashturushni ümid qilidu. Merkiziy xelq radiyo istansisi buningdin kéyin yene dawamliq radiyo we axbarat tarqitish ishlirining tereqqiyati, dölet we rayonlar arisidiki medeniyet alaqisigha téximu zor töhpe qoshqusi.