Bash bet>>Iqtisad
Chetel taratqusi: junggoning bu yilqi iqtisadiy éshish nishani 7% bolidu
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2015-01-29

 

chetel taratqusining doklatida éytilishiche, Ehwaldin xewerdar kishining ashkarilishiche, junggo 2015-yilidiki iqtisadiy éshish nishanini 7% etrapida pilanlighan bolup, bu nishan 11 yildin buyanqi eng töwen nuqtini yaratqan. Junggo hökümiti iqtisadiy éshish süritini tengpunglashturush, ishqa orunlishishni ashurush we islahatni ilgiri sürüsh arqiliq, iqtisadiy éshishni téximu köp bazarlashqan amillar bilen ilgiri sürüshni meqset qilghan.

junggo 3-aydiki memliketlik xelq qurultiyida iqtisadiy éshish nishanini jakarlaydighan bolup, bir qisim yighin netijisidin xewerdar kishilerning rétir agéntliqigha ashkarilishiche, yuqiriqi nishan 12-ayda échilghan bir qétimliq ichki yighinda yuqiri derijilik emeldarlarning qollishigha érishken iken.

ilgiri taratqular bu nishangha qarita héchqandaq bir doklat bérip baqmighan, 7% lik éshish nishani bazar mölchirige asasen uyghun.

bu ishlardin xewerdar bir kishi: "bu yilidiki iqtisadning éshish nishani 7% etrapida bolidu, lékin 7% bolsa eng töwen chek." dep körsetken. Bu shexs xélila tesir küchi bar iqtisadshunas bolup, junggo hökümitining iqtisad meslihetchisi iken. U yene: "hökümet bu yili choqum iqtisadning éshishi, ishqa orunlishish we qurulma xaraktérlik islahat otturisidiki munasiwetni tengpunglashturush kérek." dégen. Bu nahayiti sezgür mesilige chétilidighan bolghanliqtin, bu shexs namini ashkarilimasliqini telep qilghan.

ötken yilidikige oxshashla, junggo hökümiti bu qétim yenila "etrapida" dégen sözni ishletken, hergizmu iqtisadigha noqul bir mutleq éshish nishani belgilimigen. Gerche bu nishan ötken yili 12-ayda yuqiri qatlamdikilerning qollishigha érishken bolsimu, lékin xelq qurultiyi échilishtin burun yenila tengshilish mumkinchiliki bar. Junggo emeldarliri ilgiri, iqtisadiy éshishning astilishi éshishning téximu sijil bolghan islahatqa ige bolushi meqset qilinghanliqidin dérek béridu dep körsetken, lékin hökümet terep yenila iqtisadning chong nisbette astilap kétishidin éhtiyat qilidu, chünki bu ishsizliq we qerzdin ehdinamige xilapliq qilishni keltürüp chiqishi mumkin.

ötken nechche on yildin buyan, junggoning iqtisadning téz sürette éshishigha bolghan intilishi bir qisim kesiplerge bolghan meblegh sélinmisining heddidin ziyade éship bérish we qerzning téz sürette éshishini keltürüp chiqarghan. Bir hökümet emeldari we iqtisadshunas ötken yili, 2009-yilidin buyan 7 tirilyon amérika dollirigha yéqin meblegh ünümsiz meblegh sélishqa serp qilinip keldi, dep körsetken.

junggo bankisi bashliqi ju shyangchüen, 2015-yili belkim nisbeten töwen iqtisadiy éshish nishani belgilinishi mumkin, bu 3-aydiki xelq qurultiyida muzakire qilinidu, dégen. Xewerde hökümetmu pul paxalliqi nisbitini 3% etrapigha töwenlitishni oylishiwatidu, déyilgen. 2014-yilidiki junggoning CPIqimmiti 2% ösüp, 3.5% lik nishandin xélila töwen bolghan. Shuning bilen bir waqitta ishlepchiqarghuchilarning mal baha körsetküchi uda üch yil töwenlep barghan.

aldinqi qétimqi junggoning iqtisadiy éshish nishanini 7% qilip békitken waqti bolsa 2004-yili bolup, eng axiridiki emeliy éshish nisbiti 10.1% ge yetken. Ötken yilidiki éshish nishani bolsa 7.5% bolghan. Emma aldinqi hepte élan qilinghan sanliq melumatta körsitilishiche, junggoning 2014-yilidiki GDPqimmiti 7.4% éship, 24 yildin buyanqi eng töwen sewiyini yaratqan. Tehlilchilerning perez qilishiche, bu yilidiki junggoning iqtisadiy éshish süriti 7%ge, 2016-yilidiki iqtisadiy éshish süriti bolsa 6.8% ge töwenlishi mumkin.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene