Bash bet>>Iqtisad
Junggo junggo néfit ximiyesi we junggo néfitini birleshtürüshni oylishiwatidu
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2015-02-24


chetel taratqusi: junggo junggo néfit ximiyesi we junggo néfitini birleshtürüshni oylishiwatidu

tünügün shiyanggang aksiyesi chaghandin kéyin bazar échilghan tunji künide junggo néfit ximiyesining paychéki 1.074%  Chüshüp ketti, chaghan harpisi (18- féwral) künidiki sodida junggo néfit ximiyesi shiyanggang paychéki junggo néfiti bilen birlishish xewirining tesirige uchirap   4.65%  Ösken. 

chaghan harpisi, bezi chetel taratqusi organ terep nöwette üch néfitni birleshtürüsh mumkinchilikini tetqiq qilip muzakire qiliwatidu, buning ichide bir lahiye bolsa junggo néfiti we junggo néfit ximiyesini birleshtürüsh, yene bir lahiye bolsa junggo néfit ximiyesi bilen junggo déngiz néfitini birleshtürüsh dep xewer qilghan. Bu xewerning tesiride, 18-féwral shiynggang paychéki chaghandin ilgiriki eng axirqi bir soda künide, junggo néfit ximiyesining paychéki 4.65% ösken, junggo néfiti we junggo déngiz néfiti 3% ke yéqin ösken. 

biraq chaghanliq dem élishning aldinqi töt künide, organ terep we üch néfit yuqirida bayan qilinghan xewerge qarita héchqandaq ipade bildürmigen, ekische bir qisim tetqiqat organlirining dokilatida birleshtürüshning mumkinchiliki chong emes dep qaralghan, shunga tünügünki shiyanggang aksiye sodisida, junggo néfit ximiyesining bahasi biraqla 2% tin artuq chüshüp ketken, junggo néfitining pütün künde  1.002%, junggo déngiz néfitining pütün künde % 2.812 chüshken. 

bezi körqarashlarda, üch néfitning birlishishi junggo néfit karxanisining cheteldiki riqabet küchini we paydini yuqiri kötürüsh iqtidarini yuqiri kötüridu dep qarighan. 2014-yili 7-ayda élan qilinghan eng yéngi "bayliq " dunyadiki 500 küchlük ret-tertipide, junggo néfit ximiyesi, junggo néfiti amérika néfit maginati ékson mobilning keynide qélip dunyadiki ikkinchi chong we üchinchi chong néfit shirkitige aylanghan, gollandiyening xan jemeti néfit shirkiti arqida turghan. Yilliq tijaret kirimi ret-tertipi boyiche: xan jemeti néfit shirkiti 459 miliyard 600 miliyon dollar, junggo néfit ximiyesi 457 miliyard 200 miliyon dollar, junggo néfiti 432 miliyard dollar, ékson mobil 407 miliyard 600 miliyon dollar bolghan. Biraq yilliq payda ret-tertipi boyiche: ékson mobil 32 miliyard 600 miliyon dollar, junggo néfiti 18 miliyard 500 miliyon dollar, xan jemeti néfit shirkiti 16 miliyard 400 miliyon dollar, junggo néfit ximiyesi 8 miliyard 900 miliyon dollar bolghan. 

awmén unwérsititi junggo énirgiye iqtisadi tetqiqat merkizining mudiri lin bochiyang nawada diqqet qilish nuqtisi chetel baziri bolsa üch néfitning birlishishi cheteldiki riqabet küchini ashuridu, emma nawada dölet ichi bazarni oylisaq, öz ara riqabet köprek bolsa téximu yaxshi, riqabet ünümni ashuridu dep ipade bildürgen. Köpligen tetqiqat organliri dokilatida üch néfitning birlishishi chong yönilishtin toghra, emma éhtimalliqi chong emes dep qarighan. Köpligen kesipiy zatlar üch néfitning birlishish xewiri xéli burunla bar idi, emma rastinla birlishishning qiyinliq derijisi nahayiti chong dep ipade bildürgen. 

 

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene