Bash bet>>Iqtisad>>Yéngi uchurlar
Junggoda ishqa orunlashqanlarning 14% ti öy- zémin kespide
Tehrir:Enwer erkin     Menbesi:Junggo uyghurche radiyo tori     Yollan'ghan waqit: 2014-08-26

amérikidiki kuartiz pen- téxnika bilogida élan qilinghan "junggoning öy- zémin bazirining bitchit bolushidin ensireshtiki yene bir seweb: junggodiki sheher- bazarlarda ishqa orunlashqanlarning 14% ti öy- zémin kespide" mawzuluq maqaliside mundaq déyildi: hazir junggoda öy mülük kespi ishqa orunlishish, ish heqqining üzlüksiz ösüshi, hemde emgek küchlirining éhtiyajini qamdap kéliwatqan xizmet orni. Emma bundaq weziyet tézlikte özgirishi mumkin. Xelqara pul fondi teshkilatining doklatida éytilishche, köchmes mülükke sélinghan meblegh junggoda 14% xizmet orni teminlimekte. Emma öy bahasining töwenlishi, meblegh sélishning aziyishigha egiship, nechche 10 milyon hetta nechche 100 milyon emgek küchi ishsiz qélishi mumkin.

öy- zémin kespini güllendürüsh üchün nurghun kishining öy élishigha toghra kélidu. Öy baziri arqiliq ishqa orunlishishqa türtke bolush junggoni nurghun nepke ige qildi. 2008- yilidiki pul muamile krizisi nurghun kishini xizmettin ayrilish xewpige duchar qilghandin kéyin, junggo hökümiti bankilarni öy- zémin sodigerliri we ul muessese türlirige qerz bérishke dewet qildi. Bu tedbir ünüm berdi, 2011- yiligha qeder, binakarliq kespi déhqan ishlemchilerge yérimdin köprek yéngi xizmet orni teminlidi. Gerche junggoning ichki ishlepchiqirish omumiy qimmitining éshish süriti 7.5% ke chüshüp qalghan teqdirdimu, hemmila jayda ishqa orunlishish pursiti chiqip turghanliqidiki bir qisim seweb. Emma bundaq ish orunlirigha "kelmiki asan, ketmiki téz" dégen qarghish yushurunghan. Junggoning nurghun sheherliridiki tawar öy sétilish miqdarining tedrijiy aziyishigha egiship, bu ish tézla rialliqqa aylinishi mumkin.

xelqara pul fondi teshkilati junggoning sheher- bazarliridiki ishqa orunlishish omumiy miqdarining 14% tini köchmes mülükke baghlidi, bu 90 milyon xizmet ornigha barawer kélidu. Xelqara pul fondi teshkilatining mölcherlishiche, öy- zémin sélinmisi junggoning ichki ishlepchiqirish omumiy qimmitining 12.5% tige türtke bolmaqta, emma yaponiye nomura aksiye guruhi we fransiye güllendürüsh bankisining iqtisadshunasliri bu nisbetni ayrim halda 16% we 20% dep qarimaqta. Eger kéyinki ikkisi emeliyetke téximu yéqin bolsa, u halda yene nechche 10 milyon junggoluqning xizmitining kapaletke ige bolmiqi teske toxtaydu. San ghayet zor bolghandin bashqa, yene mundaq bir xil endishe bar: zerbige eng qattiq uchraydighini téxnikiliq iqtidari töwen, terbiyelinish derijisi töwen bolghan 269 milyon déhqan ishlemchidur.

binakarliq sahesidiki ish orni peqet bina sélish bilenla cheklenmeydu, yene ul muessese qurulushlirini zimmisige alghan. Yerlik emeldarlar yer sétish arqiliq ishqa orunlishish we ul muessese türlirige meblegh jughlashni ilgiri süridu. Öy éhtiyajining aziyish ehwali dawamlashsa, ul muessese sélinmisimu aziyip kétidu.

ishning tereqqiyati qandaq bolidu? Amérikining öy baziri taza awat boluwatqan 2005- yili, turalghu binakarliqi biwasite halda 5.1% xizmet orni teminligen, emma 2008- yiligha kelgende bolsa buning üchtin bir qismi aziyip ketken. Amérikining kechürmishi junggo duch kelgen eng yaxshi ehwal bolushi mumkin. Bu ehwal junggodiki ishqa orunlishishning öy- zémin kespige tayinish nisbitining az dégendimu amérikining üch hessisidin artuq ikenlikini bildürüpla qalmastin, belki yene béyjingning amérikiche öy bazirining bitchit bolush ehwalidin saqlinishtiki türlük righbetlendürüsh tedbirlirini alliburun ishlitip bolghanliqini bildüridu.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene