Bash bet>>Iqtisad>>Pul mu’amile
50 yashtin ashqan ayallar qandaq sughurta sétiwélishi kérek?
Tehrir:Gülbehrem muxtar     Menbesi:Junggo uyghurche radiyo tori     Yollan'ghan waqit: 2014-06-05

 

téxi yéqindila ötüp ketken anilar bayrimida, nurghun kishi anilirigha köngül qoyup sowghat tallidi, eger siz sughurta sowgha qilishni tallighan bolsingiz, undaqta alahide diqqet qilsingiz bolidu. ‹‹semimiy kishiler ömür sughurtisi›› shirkitining rozgharchiliq pilanlighuchisi yang xungli mundaq dédi: 50 yashtin ashqan ayallarni yashanghanda kütünüsh sughurtisigha qatnashturush erzimeydighan ish, chünki uningda sughurta heqqi tetürge méngishtek ehwal asanla körülidu.

    Yang xungli mundaq dédi: sughurta heqqi yashning chongiyishigha egiship éship baridu, yash qanche chongayghanséri, xewp qanche köpeygenséri sughurta heqqimu shunche köpiyip baridu. Yéshi chongraq ayallarning sughurtigha jezmen éhtiyaji chüshidu, lékin yashanghanda kütünüsh sughurtisigha qatnashturushning sughurta heqqi yuqiriraq, hetta sughurta heqqi tetürge méngishtek ehwal körülidu, yeni siz töligen sughurta heqqi axirida sizge bérilidighan sughurta tölimidin éship kétishimu mumkin. Yashanghanlar bundaq sughurtini sétiwalmaqchi bolsa salametlikini tekshürtüshke toghra kélidu, bezi dawalash körsetküchlirining bu ölchemge yétishi tesrek.

    Hazir ayallar xizmet ornida netije qazansimu, öyige qaytsila yenila méhriban ana halitige qaytip, xalis töhpe qoshidu. Her bir ana salametlikining yaxshi bolushini tileydu.

    Yang xungli 50 yashtin ashqan ayallargha qarita awwal saghlamliqigha kapaletlik qilidighan chong késeller sughurtisi sétiwélish teklipi berdi, chünki hazirqi jemiyettiki ayallarning xizmet we aile bésimi chongraq, rak késilige giriptar bolush nisbiti erlerge qarighanda yuqiri, bolupmu süt bézi raki qatarliq késeller ayallarda asanla yüz béridu. Ayallar doxturxanida yétip dawalinish pulini atchot qilish sughurtisi sétiwalsa bolidu, chünki yashning chongiyishigha egiship her xil késeller chirmiwalidu, eger aghrip qélip doxturxanida yétip dawalansa, ijtimaiy sughurta atchot qilishqa tégishlik qismini atchot qilip bergendin kéyin, yene yuqiri dawalinish rasxotini késellerning özi kötürüshige toghra kélidu. Eger bu sughurtini sétiwalghanda, yuqiridiki heqni sughurta shirkitining tölishige ittirip qoyghili bolidu, bundaq bolghanda késeller artuqche chiqimdin saqlinip qalalaydu.

    Yang xungli mundaq dédi: yéshi chongraq ayallar yashanghanda kütünüsh sughurtisi sétiwélishqa mas kelmisimu, lékin tasadipiy yarilinish sughurtisi yaki tasadipiy aghrip qélip dawalinish sughurtisi sétiwalsa bolidu. Yashanghanlar adette aghriq – silaqtin néri bolalmaydu, shunga bundaq sughurta kapaliti kem bolsa bolmaydu, ijtimaiy sughurta bolghan teqdirdimu, u tasadipiy yarilinishtin kélip chiqqan dawalinish rasxotining ornini tolduralmaydu, yene kélip tölem nisbitimu töwenrek bolidu, shunga her yili nechche yüz yüen xejlep tasadipiy yarilinish sughurtisi sétiwalghanda, yaxshi ünümge érishkili bolidu.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene