Bash bet>>Iqtisad>>Pul mu’amile
Kichik, mikro karxanining tapshuridighan béji 40%che azaydi
Tehrir:Nuzigül imir     Menbesi:Junggo uyghurche radiyo tori     Yollan'ghan waqit: 2014-08-13

bu yil 31–yanwarghiche élimizde 2milyon 820ming karxana tijaret béjini qoshulma qimmet béjigha özgertish islahatigha qatnashti, buning ichidiki 82% karxana, yeni 2 milyon 300 mingdin artuq kichik, mikro karxanining tapshuridighan béji 40%che azaydi.

döletlik baj bash idarisining bashliqi wang jün tonushturup mundaq dédi mundaq dédi: döletlik baj bash idarisi maliye ministirliqi bilen birlikte turmush mulazimliqi türidiki karxanilarning tijaret béjini qoshulma qimmet béjigha özgertish toghrisidiki layiheni muhakime qiliwatidu, bu türdiki karxanilar nechche milyon bolup, ularning köpinchisi kichik, mikro karxanilardur, tijaret béjini qoshulma qimmet béjigha özgertish yolgha qoyulghandin kéyin, bu karxanilarmu baj étibaridin behrimen bolidu.

bu yilqi xizmetler heqqide wang jün tonushturup mundaq dédi: birinchidin, kichik, mikro karxanilardin baj tapshurushqa tégishlik tapawet sommisini yérimlitip élish yuqiri chékini ehwalgha qarap muwapiq örlitish muhakime qilinip, téximu köp karxanilar étibardin behrilendürülidu; Ikkinchidin, tijaret béjini qoshulma qimmet béjigha özgertish dairisi kéngeytilidu. Zungli tömür yol, pochta, télégraf qatarliq saheler tijaret béjini qoshulma qimmet béjigha özgertish dairisige kirgüzülidu, dédi. Bu "qatarliq" dégen söz télégraf saheside tijaret béjini qoshulma qimmet béjigha özgertish yolgha qoyulghandin kéyin, téximu köp kichik, mikro karxanilar biwasite yaki wasitilik halda étibardin behrilinidu, dégenni öz ichige alidu. Bolupmu, "qatarliq" dégen söz bizge turmush mulazimliqi türidiki karxanilarning tijaret béjini qoshulma qimmet béjigha özgertish islahatini muhakime qilip ilgiri sürüsh wezipisini otturigha qoydi, biz maliye ministirliqi bilen birlikte bu heqtiki layiheni muhakime qiliwatimiz.

wang jün baj étibaridin behrilinish dairisini tonushturup mundaq dédi: baj étibaridin behrilinish asasliqi mundaq üch terepni öz ichige alidu: birinchi, shu yilliq tijaret sommisi 60 ming yüendin éship ketmigen kichik, mikro karxanilardin karxana tapawet béji yérimlitip élinidu, 1milyon 200mingdin artuq kichik, mikro karxana bu siyasettin behrilinidu; Ikkinchi, bultur 1-awghusttin bashlap ayliq sétish sommisi 20ming yüendin, tijaret sommisi 20ming yündin éship ketmigen qoshulma qimmet béji boyiche kichik baj tapshurghuchilar we tijaret béji boyiche baj tapshurghuchilardin baj élinmidi, buningdin 6milyondin artuq baj tapshurghuchi behrilendi; Üchinchi, tijaret béjini qoshulma qimmet béjigha özgertish memliket boyiche ilgiri sürüldi, bu yil 31-yanwarghiche 2milyon 820ming karxana tijaret béjini qoshulma qimmet béjigha özgertish islahatigha qatnashti, buning ichidiki 82% karxana, yeni 2milyon 300mingdin artuq kichik, mikro karxanining tapshuridighan béji 40%che azaydi.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene