Bash bet>>Iqtisad>>Pul mu’amile
Shexsler zor sommiliq amanet chékige idrakiy muamile qilishi kérek
Tehrir:Gülbehrem muxtar     Menbesi:Junggo uyghurche radiyo tori     Yollan'ghan waqit: 2014-09-15

jin pingping

 

gerche alaqidar tarmaqlar shexsler zor sommiliq amanet chékining qisqa waqit ichide dunyagha kélidighanliqi toghrisidiki xewerlerge reddiye bergen bolsimu, emma pul muamile baziridiki bu yéngi mehsulatning bazargha sélinghinigha xéli uzaq boldi, sinap béqish arzusida boluwatqan meblegh salghuchilar üchün téximu shundaq. Shexsler zor sommiliq amanet chéki gerche ösümni bazarlashturushning yéngi mehsulati bolsimu, emma kesip ehlilirining tonushturushigha asaslanghanda, uning iqtidari kishiler qiyas qilghandek unche küchlük emes, meblegh salghuchilar uning konkrét oynaydighan roli we meblegh sélish iqtidarigha qarita idrakiy muamilide bolushi kérek.
shexsler amanet chéki eneniwi qerellik amanet chékige oxshimaydu, uning sommisi aldin békitilgen bolidu, qerellik amanette amanet sommisi amanet qoyghuchining xahishi boyiche békitilidu, shexsler amanet chékining qereli adette bir yildin éship ketmeydighan bolup, dölitimizde otturigha chiqirilmaqchi bolghan amanet chékining qereli del bir yil qilip békitilgen. Shexsler amanet chékining ösümi bir qeder yuqiri bolup, adettiki amanet pulining yuqiri ösüm cheklimisige uchrimaydu, shundaqla qereli toshmighan shexsler amanet chékini ikkilemchi bazarda sétiwétishke bolidu, yötkilishchanliqi eneniwi qerellik amanetke qarighanda küchlük bolidu. Dölitimiz hazirche amanet pulini sughurtigha qatnashturush tüzümini yolgha qoymighachqa, shexsler amanet chéki we adettiki shexsler amanet puli oxshashla xewp – xetiri yoq rozgharchiliq mehsulati hésablinidu.
bankigha nisbeten éytqanda, shexsler amanet chéki bankining bir qisim paydisini qurban qilish bedilige amanet pulni jelp qilidighan qoraldin ibaret. Emeliyette bu qurban bérishmu bankining amalsizliqidin bolghan. Eskertishke tégishliki shuki, shexsler yuqiri sommiliq amanet chékining meblegh telipi yuqiri bolup, meblighi az bolghanlar paydisi yaxshiraq, xewp – xetiri töwenrek bashqa rozgharchiliq mehsulatlirini tallap meblegh salsa bolidu.
banka rozgharchiliq mehsulatlirigha nisbeten éytqanda, hazir bazardiki qisqa muddetlik rozgharchiliq mehsulatlirining payda nisbiti amanet chékining payda nisbiti bilen tenglishidu. Birdinbir perqi amanet chékining yötkilishchanliqining sel yuqiri bolghanliqidin ibaret. Kesip ehlilirining analiz qilishiche, emeliy meshghulat jeryanida qisqa muddetlik rozgharchiliq mehsulati bilen shexsler zor sommiliq amanet chékini sétiwalghanning perqi anche chong emesken.
buningdin burunqi xewerlerge asaslanghanda, tunji türkümde tarqitilmaqchi bolghan shexsler amanet chékining payda nisbiti 4.2% bolup, eng töwen sétiwélish chéki 500 ming yüen yaki 1 milyon yüen bolidiken. Yinlü torining istatistikisigha asaslanghanda, hazir sétiliwatqan gheyriy qurulma xaraktérlik rozgharchiliq mehsulatliri ichide dirigha kapaletlik qilinghan, paydisi muqim bolghanlirining közlime paydisi eng yuqiri bolghanda 5.15% ke yétidiken, shexsler zor sommiliq amanet chékining 4.2%lik paydisidin bir pirsent poéntqa yéqin yuqiri bolidiken hem eng töwen bolghanda 50 ming yüen bilenla bu mehsulatlargha meblegh salghili bolidiken. Shexsler zor sommiliq amanet chéki bilen banka rozgharchiliq mehsulatlirini sélishturush arqiliq shuni bayqighili boliduki, bu ikki xil mehsulatning nishanlighan xéridari oxshimaydu hem shexsler zor sommiliq amanet chékining meblegh sélish telipi yuqiri bolushi sewebidin banka rozgharchiliq mehsulatlirigha élip kélidighan zerbisi cheklik bolidu.
bankigha nisbeten éytqanda, shexsler zor sommiliq amanet chéki amanet pulini jelp qilidighan qoraldin ibaret. Yéqindin buyan bankigha qoyulidighan amanet pulining éqip kétishidiki asasliq seweblerning biri intérnéttiki rozgharchiliq mehsulatliri bolup qaldi, undaqta shexsler zor sommiliq amanet chéki intérnét rozgharchiliq mehsulatlirigha qayturma zerbe bérelemdu – yoq?
bu mesilige qarita yinlü torining tehlilchisi mundaq dédi: 2013 – yilining otturisida tuyuqsiz yüz bergen meblegh qis bolush mesilisi bankilargha nisbeten éghir wehime élip keldi hem yérim yolda topqa qoshulghan intérnét rozgharchiliq mehsulatlirini barliqqa keltürdi. Emma bazardiki yötkilishchanliqining küchiyishi we meblegh telipining boshishi bilen intérnéttiki rozgharchiliq mehsulatlirining paydisi barghanséri töwenleshke bashlidi. Uning üstige shexsler zor sommiliq amanet chékige qarita banka inawiti bilen képil bolidighan bolup, paydisi kapaletke ige, xewp – xetiri töwen, shunga intérnéttiki rozgharchiliq mehsulatliri wede qilghan közlime paydisi jehette shexsler zor sommiliq amanet chéki bilen riqabetlishelmeydu.
lékin intérnét rozgharchiliq mehsulatlirining asasliq ewzelliki payda nisbiti emes, belki qalduq sommidin paydilinip rozghar bashqurushqa bolidighan iqtidari. Bundaq bolghanda shexsler zor sommiliq amanet chékining ewzelliki ajizlap kétidu, 500ming yüenlik yaki 1 milyon yüenlik meblegh telipi nurghun meblegh salghuchini ishik sirtida qalduridu. Shundaq qilip shexsler zor sommiliq amanet chéki bilen intérnéttiki rozgharchiliq mehsulatliri oxshimighan artuqchiliq arqiliq riqabetlishidighan muhim asasni hazirlighan bolidu.


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene