Bash bet>>Iqtisad>>Béyish yoli
Shinjang uyghur aptonom rayoni az sanliq milletlerni ishqa orunlashturush xizmitini ching tutmaqta
Tehrir:Enwer erkin     Menbesi:Junggo uyghurche radiyo tori     Yollan'ghan waqit: 2014-09-26

qeshqerdiki yashlar "nenda" shirkitide xizmet qilghinidin iptixarliq hés qilidu, munire abdughéni ene shularning ichidiki biri.

hazir munire abdughéni shinjang "nenda" sütchilik cheklik shirkiti mehsulat süpitini tekshürüsh guruppisining bashliqi boldi, u mundaq dédi: deslep kelgende héchnémini bilmeyttim, xenzuchini yaxshi sözliyelmeyttim, hazir kespiy téxnikini igilepla qalmay, xenzuchini rawan sözliyeleydighan boldum.

shinjang "nenda" sütchilik cheklik shirkiti qeshqer wilayitidiki baqmichiliq, tériqchiliq, sütchilik bir gewdileshken chong tiptiki puqrawi karxana bolup, yerlik az sanliq millet yashlirining iqtidarini namayan qilidighan supigha aylandi. Hazir "nenda" sütchilik shirkitide ishleydighan xizmetchiler 400 din ashidu, buning ichide uyghur qatarliq yerlik amma 70% tin ashidu, ish aldirash bezi chaghlarda hetta 10 mingdin ashidu.

"nenda" shirkitila emes, shinjangning alaqidar belgilimisi boyiche, shinjangda royxetke aldurghan türlük karxanilar, shundaqla shinjangda ishlepchiqirish – tijaret we qurulush türlirini höddige alghan karxanilar yéngidin qobul qilghan xadimlarning ichide belgilime boyiche shinjangliq xadimlar 50% tin az bolmidi.

az sanliq milletlerning ishqa orunlishish netijisi kishini rohlanduridu

bu yil échilghan shinjang uyghur aptonom rayonining adem bayliqi we ijtimaiy kapalet xizmiti yighinida kishini rohlanduridighan bir qatar netijiler élan qilindi: bultur shinjangning ishqa orunlashturush nishan – wezipisi omumyüzlük tamamlandi, pütün yilda sheher – bazarlarda 460 ming adem yéngidin ishqa orunliship, nishan – wezipe 115% orunlandi, sheher – bazarlardiki ishsizliq nisbiti 3.4% boldi. Yézilardiki éshincha emgekchilerdin 2 milyon 800 ming adem (qétim) yötkep ishqa orunlashturulup, nishan – wezipe 140% orunlandi.

ishqa orunlashturush xizmitide yashlarni ishqa orunlashturush muhimning muhimidur. Türlük ünümlük tedbirlerning türtkiside, shinjangdiki aliy mektep, téxnikomlarni pütküzgenlerni ishqa orunlashturush xizmitide tarixiy bösüsh qolgha keltürüldi, tarixtin qélip qalghan mesililer teltöküs hel qilindi. 2009 – yilining axirighiche, aliy mektep, téxnikomni pütküzüp ishqa orunlashmighan 75 ming yashning ishqa orunlishish nisbiti 99.8% ke yetti; Aliy mektepni pütküzgenlerning ishqa orunlishish nisbiti yilséri ashti, bulturning axirighiche 88.4% ke yetti, aliy mektepni pütküzgen az sanliq millet yashlirining ishqa orunlishish nisbiti 80% ke yetti; 2011 – yili teshkillep yolgha qoyulghan adettiki aliy mektepni pütküzüp ishqa orunlashmighan 23 ming yashni shinjanggha nishanliq yardem béridighan ölke, sheherlerge ewetip terbiyelesh pilanida az sanliq millet yashliri 84.6% ni igilidi, bulturning axirighiche 10 ming 572 yash ishqa orunlashti. Toluqsiz we toluq ottura mektepni pütküzüp örlep oqumighanlarning ishqa orunlishish mesilisi shinjangning yüksek diqqitini qozghidi, bultur shinjang uyghur aptonom rayoni jenubiy shinjangdiki ikki wilayet, bir oblastni muhim nuqta qilip, toluqsiz we toluq ottura mektepni pütküzüp örlep oqumighanlar qatarliq yéza éshincha emgekchilirining yötkilip ishqa orunlishishigha mulazimet qilishni kücheytip, ularning paal ishqa orunlishishini ilgiri sürdi.

ishqa orunlashturushni kücheytish tereqqiyatning 1 – muhim wezipisi qilindi

shinjang uyghur aptonom rayonluq adem bayliqi we ijtimaiy kapalet nazaridin igilinishiche, bu yil shinjang uyghur aptonom rayoni ishqa orunlashturushni kücheytishni, bolupmu az sanliq milletlerning ishqa orunlishishini kücheytishni, shinjangning, shundaqla jenubiy shinjang tereqqiyatining 1 – muhim wezipisi qilghan. Bu wezipini tamamlash üchün, shinjang uyghur aptonom rayoni toqumichiliq, kiyim – kéchek, yéza igilik mehsulatlirini yirik pishshiqlap ishlesh, "sélinmisi az, dewriylinishi qisqa, ünümi téz" türler qatarliq emgek köjümleshken kesipler we milliy xas kesipler tereqqiyati arqiliq ishqa orunlashturushni bösüsh éghizi qilip, ishqa orunlashqanlar yoq aililer, adettiki aliy mekteplerni pütküzgenler we yéza igilik éshincha emgekchilirini nuqta qilip, karxana, asasiy qatlamda ishqa orunlishish we igilik tikleshni ilgiri sürüshni asasiy yönilish qilip, iqtisadiy tereqqiyat arqiliq türtke bolush, siyaset arqiliq qollash, igilik tikleshke righbetlendürüsh, terbiyeleshni kücheytish, ishqa orunlashturush mulazimitini qanat yaydurush qatarliq tedbirler arqiliq, ishqa orunlashturushni küchep kéngeytidiken we muqimlashturidiken.

shinjang uyghur aptonom rayoni "yipek yoli" iqtisad belbéghi qurush we emgek köjümleshken kesipler, ottura, kichik, mikro karxanilar, yerlik milliy xas karxanilar, zamaniwi mulazimetchilikni tereqqiy qildurushni chöridep, karxanilarda ishqa orunlashturushni ilgiri süridu. Bolupmu shinjangning toqumichiliq, kiyim – kéchek kespini küchep tereqqiy qildurup, 1 milyon kishining ishqa orunlishishini ilgiri sürüsh qurulushi, jenubiy shinjangdiki ikki wilayet, bir oblastning "sélinmisi az, dewriylinishi qisqa, ünümi téz" türliri we yéza igilik mehsulatliri yirik pishshiqlap ishlesh kespi tereqqiyati arqiliq ish orni köpeytishni chöridep, nuqtiliq ishqa orunlashturidighan amma topi, bolupmu yéza igilik éshincha emgekchilirini ishqa orunlashturush mesilisi yaxshi hel qilinidu. Her yili shinjangdiki yéza éshincha emgekchiliri 2 milyongha yétidu, buning 92% idin artuqraqi az sanliq milletlerdur, yéza éshincha emgekchilirining ishqa orunlishish mesilisi hel qilinsa, shek ـ shübhisizki, shinjangdiki az sanliq milletler köplep ishqa orunlishidu.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene