Bash bet>>Iqtisad>>Béyish yoli
Soda saheside yaki kesp tallighanda toghra qarar chiqirishni öginiwélishimiz kérek
Tehrir:Enwer erkin     Menbesi:Junggo uyghurche radiyo tori     Yollan'ghan waqit: 2014-09-26

soda sahesidiki yaki kesip tallashtiki xataliqimiz istiqbalimizgha tesir körsitidighan xataliq bolmisimu, emma bu bir xil arqigha chékinishtin dérek béridu. Shunga, biz toghra qarar chiqirishni öginiwélishimiz, héchbolmighanda chiqarghan toghra qararlirimiz xata qararlirimizdin köprek bolushi kérek. Köp sandiki igilik tiklep muweppeqiyet qazanghuchilar bu xil toghra qarar chiqirish iqtidarining tughma bolidighanliqigha ishenmeydu. Meyli kimla bolsun, peqet azraq waqit we zéhnini serp qilip, sewrchanliq bilen özining mushu xil toghra qarar chiqirish iqtidarini yétildürelisila, közligen meqsetke yétip, yaxshi ünümge érisheleydu. Mesilen, aldi bilen siz choqum bezi qararlarni heqiqetenmu ishqa ashurghili bolmaydighanliqini éniq tonup yétishingiz kérek.

"xarward soda mektipide sizge ögetkidek bilim yoq" namliq bu munewwer eserde aptur kishini heyran qaldurighan mundaq bir misalni élish arqiliq bu qaidige chüshenche bergen

it yémekliki ishlepchiqiridighan bir shirket yilda bir qétim ötküzülidighan mal sétish xulase chong yighini ötküzüptu. Yighin jeryanida shirketning bash lédiri shirket élan mudirining barliq kishilerge éytqan yéngiche bir xil mal sétish layihisini sewrchanliq bilen anglap olturuptu. Élan bölümining mudiri bu xil yéngiche mal sétish layihisining ünümining heqiqetenmu yaxshiliqini, hetta bir meydan "ishlepchiqirish usuli jehettiki inqilab"ni keltürüp chiqirish éhtimalliqi barliqini sözleptu. Arqidinla shirket sétish bölümining mudiri otturigha chiqip: "nisbeten küchlük bolghan mal sétish bésimi gerche kishini tolimu bizar qilsimu, emma soda ishlirining tereqqiyati üchün élip éytqanda, eng yaxshi purset" deptu. Barliq tarmaqlarning mudirliri sözlep bolghandin kéyin eng axirida bash lédir xulase qilip mundaq deptu: "yuqirida biz barliq mudirlarning shirkitimizning kelgüsi sodisini ilgiri sürüsh toghrisidiki yaxshi pilan, tekliplirini anglap öttuq. Emma, xulase chiqirishtin awal köpchiliktin shundaq bir sualni sorighum kéliwatidu. Eger biz eng yaxshi élanlarni bérip, eng yaxshi netijilerge érishsekmu, hettaki eng zor mal sétish bésimi mewjut bolsimu, undaqta néme üchün shirkitimiz ishlepchiqarghan it yémekliklikliri bashqa shirketlerningkidin az bolidu?

del mushu waqitta yighin meydani xuddi mushu xil jimjitliqni menggü saqlap qalidighandekla jimip kétiptu. Xéli bir haza waqit ötkendin kéyin yighin meydanining arqa teripidin "sewebi biz ishlepchiqarghan it yémekliklirini itlar yaxshi körmigenliki üchün" dégen awaz angliniptu. Heqiqeten shundaq, dunyadiki eng yaxshi bahalarmu bir nachar mehsulatni qutquzalmighandek, héchqandaq bazar éhtiyaji bolmighan mehsulatnimu oxshash qutquzalmaydu. Undaqta, biz pilanimizning emelge ashidighan-ashmaydighanliqini qandaq bileleymiz? Buning üchün biz özimizning biwasite sizimimizge qandaq yéqinlishishni, kontrol qilishni we ishinishni öginiwélishimiz kérek

siz birer mesilining netijisini chiqarghili bolmaydu, dep qarighan waqtingizda bashqilarning heyranliq ichide qapaqlirini süzgenlikini körgenmidingiz? Siz yene öz tuyghungizgha tayinipla melum bir ishni hergiz qilghili bolmaydu dep qarar chiqirip, arqidinla yene emeliyetning buning eksiche ikenlikini heyranliq ichide hés qilghan chaghliringizmu bolghanmu? Biz hemishe ashu atalmish békinmichilik, özimizge ishinishimizning kemchil bolushi seweblik öz arzuyimizdin asanla waz kéchip kétimiz hemde özimizge bu ishta her qanche tirishchanliq körsetsemmu beribir emelge ashmaydu, dep teselliy bérimiz.

bilishimiz kérekki, pilan we oy- pikirlirimizni emelge ashidighan we emelge ashmaydighan dep ayrishqa bolmaydu, belki bu sizning shu ishni qilghan waqtingizda serp etken zéhningizge baghliq bolidu. Bu pilan we oy- pikirliringiz özingizning hayatiy küchi we zéhniy quwwitingiz bilen qoshulup, bir xil bésim peyda qilidu we mushu bésim tüpeylidin emelge ashidighan oy- pikir we pilanliringizgha aylinidu. Aktip özlük tesewwurigha ige kishilerni xuddi bir éléktr istansisigha oxshitidighan bolsaq, ular nahayiti asanla subyéktip éngimizdiki ashu énirgiye zapisini kontrol qilalaydu yaki bolmisa yuqirida éytilghandek itlar yaqturidighan yémekliklerni ishlepchiqiralaydu

nurghun kishiler birer ishni qilishta ikkilinip bir qarargha kélelmeydu. Ulardiki yétersizlikning biri shuki, hemishe yoluqush éhtimali bolghan qiyinchiliqlarni aldin perez qilishqa uruniduki, özining qiyinchiliqtin ghalip kéleleydighan iqtidargha ige ikenlikige sel qaraydu. Ularda bar bolghini ashu kishini uzul- késil meghlub qilidighan aldiraqsanliq, endishe qilish pozitsiyisidur. Bu xil pozitsiyening netijisi peqet meghlubiyettinla ibaret. Nawada siz eng epchil we ünümlük bolghan usulni tapmaqchi bolsingiz, undaqta sizni muweppeqiyetke érishtüreleydighan sewebler toghrisida oylinip körüng. Hergizmu yüz bérish éhtimali bolghan tosalghularnila oyliwalmang. Nurghunlighan emeliy pakitlar shuni ispatlidiki, gerche melum bir kishi igilik tikleshte muweppeqiyet qazinishqa munasiwetlik bolghan 10 xil sewebni körüp yételigen teqdirdimu, emma uning bu ishni qilish niyiti melum bir passip amil tesiridin pütünley yoqqa chiqishi mumkin. Köpinche kishiler mana mushundaq qilidu. Yéngip kételeydighan tosalghulardin közi qorqidu we bir ish qilip béqish niyitidin waz kéchidu.
imkanqeder toghra bolghan pilanni tüzüshni öginishte özingizning ilgiriki xizmet tejribiliringiz, alghan iqtisadiy paydingiz nahayiti muhim rol oynaydu. Emma, bezi chaghlarda mol tejribe, yéterlik teshebbuskarliqqa ige bolsingizmu, pilan tüzgen waqtingizda birer ishning yüz bérish éhtimalliqini aldin mölcherliyelmey qalisiz. Emeliyette, kalla qaturup tamamlighan birer soda- tijaritingizning netijisi sizning eng deslepki oyingizning toghra ikenlikini étirap qilduridu. Bezi waqitlarda bularning hemmisini biwasite sizimdinla körüshkimu bolmaydu. Eng muhimi, tijarette "bügün bashlisam bolarmu, etimu? Kömsem pisharmu, yapsam?" dep waqitni zaye qilmay, közligen tijaret paaliyitingizge dadilliq bilen bashlap, keskin qarar chiqirishqa jüret qiling

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene