Bash bet>>Qanun tori>>Délo misalliri
Haram malni sétiwalghuchilarmu jazalinidu
Tehrir:Gülbehrem muxtar     Menbesi:Junggo uyghurche radiyo tori     Yollan'ghan waqit: 2014-08-08

 

turmushta bezi kishiler azghine paydini közlep, oghrilap, bulap kélingen yaki qanunsiz yollar arqiliq qolgha keltürülgen nersiler ikenlikini bilip turupmu sétiwalidighan, yighiwalidighan ehwallar mewjut. Ular: bu nersilerni biz oghrilimighandin kéyin, qanungha xilapliq qilghan bolmaymiz, dep oylaydu. Emeliyette, haram malni sétiwélishmu jinayet bolup, oxshash jazalinidu.

dölitimiz jinayi ishlar qanunida: ‹‹jinayet ötküzüsh yoli bilen érishken tapawet yaki uningdin hasil bolghan payda ikenlikini bilip turup, uni yoshurghan, yötkiwetken, sétiwalghan, sétip bergen yaki bashqa usullar bilen perdazlighan, yoshurghanlargha üch yildin yuqiri, yette yildin töwen muddetlik qamaq jazasi bérilidu›› dep belgilengen.

wang golyang bu yil 3 - ayda jiyeni wang bo bilen jéjyang ölkisining jyashin shehiri xeyyen nahiyesidiki bir qurulush ornida ishlemchilik qilghan. Ular ikkilisi haraq, tamakigha amraq bolup, ay axiri bolghanda yanchuqi quruqdilip qalghan. Shuning bilen ular maashi chiqquche qurulush ornidin azraq nerse tépip sétip uni xejlep turmaqchi bolushqan hem 3 - ayning 24 - küni kechte bir üch chaqliq tokluq wélisipitni heydep qurulush ornigha bérip sekkiz xalta tömür zapchasni élip, udul kéreksiz nerse - kéreklerni yighiwélish ornigha élip kelgen.

kéreksiz nerse - kéreklerni yighiwélish ornining xojayini shü taw bir qarapla bu nersilerning oghrilap kélingenlikini pemligen we könglide: mushu pursette menmu azraq payda éliwalmaymenmu, dep oylap, esliy nechche ming yüenge yaraydighan bu zapchaslarni 350 yüenge sétiwalghan. Del mushu waqitta, saqchixana xadimliri kéreksiz nerse - kéreklerni yighiwélish ponkitigha tekshürüshke kélip qalghan.

sot mehkimisi qarap chiqish arqiliq, wang golyang, wang bolarni oghriliq jinayiti üchün qamaq jazasigha höküm qilghandin sirt, shü tawning bu nersilerning oghrilap kélingen haram mal ikenlikini bilip turup yenila sétiwalghanliq qilmishidin perdazlash, yoshurush jinayiti shekillinidu, dep qarap, besh ayliq tutup turup emgekke sélish jazasi bérip, on ay kéchiktürüp ijra qilishqa, qoshumche 2000 yüen jerimane qoyushqa buyrighan.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene