Bash bet>>Qanun tori>>Délo misalliri
Bixestiliktin kilip chiqqan pajie
Tehrir:Nuzigül imir     Menbesi:Junggo uyghurche radiyo tori     Yollan'ghan waqit: 2014-08-12

2-awghust etigen saet yettidin ashqanda, jyangsu ölkisi kunshen shehiridiki jungrung métal buyumlar cheklik shirkitide tuyuqsiz éghir partlash hadisisi yüz berdi. Hadise ighir ölüm-yétim keltürüp chiqardi, hadise yüz bergendin kéyin, her derijilik hökümet téz sürette qutquzush xadimlirini qutquzushqa teshkillidi.

igilishimizche, partlash yüz bérishtin awwal zawutta texminen 200din artuq ishchi ishlewatqan iken. Partlashtin kéyin bezi sheher ahalisi hadise yüz bergen zawutqa yétip kélip, zawutta ishlewatqan uruq-tuqqanlirigha téléfun qilghan. Biraq téléfun ulanmighan. Bir ishchining aile tawabati mundaq didi: saet sekkiz bolmastila téléfun qildim, birer uchurmu yoq.

hazir, suju shehiridiki köyüp yarilanghan bimarlarni dawalashqa sharaiti yar béridighan doxturxanilarning hemmisige kunshendiki partlash weqeside yarilanghanlar élip bérildi. Bu yarilanghanlar aldi bilen doxturxanining jiddi qutquzush öyige ekirilip ehwali jiddiy bir terep qilinip, bimarlarning nepes yolliri rawanlashturuldi.

suju unwérsitéti qarmiqidiki birinchi doxturxanining bashliqi xow jyenchuen mundaq didi: kelgenlerning hemmisi bedini ighir köyüp yarilanghanlar. Shunga biz jiddiy bir terep qiliwatimiz. Aldi bilen ularning jénini saqlashqa tirishiwatimiz. Hazirgha qeder 11 bimarni ekelduq. Hazir türkümge ayrip awwal opératsiye öyige élip kirip nepeslinish neychisini kestuq. Andin bimarning ehwaligha asasen, küzitish öyige ekirduq.

alaqidar doxturxanilar qutquzush wezipisini tapshurwalghandin kéyin, dem éliwatqan doxturlarni we zapas doxturlarni jiddi chaqirip kélip dawalash guruppisi teshkillep yarilanghanlarning yarisini dawalidi. Herbir yaridarning halidin xewer élishqa birdin doxtur orunlashturdi. Shuningdek doxturxanigha jiddiy qutquzush üskünilirini ekilip, yarilanghanlarning ehwalini turaqlashturdi. Azatliq armiye 100-doxturxanisigha élip kélingen yaridarlar ichide bedini éghir derijide köygenler 90pirsenttin ashti. Hazir ular doxturxanining küzitish öylirige orunlashturulup, jiddi qutquzulmaqta. Partlash yüz bergendin kéyin, künshen junggo tibabiti doxtorxanisi shangxey ruyjin doxturxanisining küyüp yarilanghan bimarlarni dawalash mutexesisige téléfun qilip yardem soridi. Ular tézlikte mutexess, tibbi xadimdin teshkillengen alte kishlik dawalash etritini künshenge ewetti.

shangxey ruyjin doxturxanisi kunshen junggo tibabiti doxturxanisigha yardem bérip yaridarlarni qutquzush üchün nepeslendürüsh üskinisidin birni ewetti. Nepeslendürüsh üskünisi kunshen junggo tibabiti doxturxanisigha öz waqtida yetküzülüp, jiddiy qutquzush öylirige ekirildi. Shangxey ruyjin doxturxanisi köyük bölümining muawin mudiri jang chin mundaq didi: chang-tozanliq partlashta köyüp yarilinish otta köyüp yarilinishtin éghir bolidu. Chang-tozanliq partlashta köyüp yarilanghanlarning ölüsh nisbiti adettiki otta köyüp yarilanghanlarningidin yuqiri bolidu. Buningda ot yalqunidin bashqa yene étilish küchi bar. Buning bedenning immunitét küchige bolghan tesiri, ichki ezalarni zexmilendürüshi nahayiti éghir bolidu. Shunga bundaq köyüp yarilanghanlarning ölüsh nisbiti adette yuqirraq.

kunshen junggo tibabiti doxturxanisi ambolatoriyesining zalida aile tawabatlirini izdesh waqitliq supisi quruldi. Bezi aile tawabatliri bu yerge yighilip, waqtinche alaqilishalmighan uruq tuqqanlirining ismini we uchurini yézip qaldurdi. Nurghun yaridarni qutquzushqa toghra kelgenliktin, künshen sheherlik sehiye tarmaqliri etraptiki sheherlerdin jiddiy yardem telep qildi. Suju sheherlik qan merkizi 2-awghust chüshtin burun 40ming létir qanni künshen shehirige jiddiy ewetti.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene