Bash bet>>Qanun tori>>Délo misalliri
"köngül"ning keynige kirgüchiler türmige kirdi
Tehrir:Gülbehrem muxtar     Menbesi:Junggo uyghurche radiyo tori     Yollan'ghan waqit: 2019-03-12

 

 

toylishish oyun emes, toy qilghandin kéyin ikkila terep özara keng qorsaq bolup, bir-birining éghirchiliqini kötürüp bextlik aile qurup chiqish lazim. Hazir qismen er-ayallar her xil sewebler bilen özining nechche yil tiriship berpa qilghan ailisini weyran qilipla qalmay, perzentlirini yétimlik kochisigha ittiridighan ehwallar körüliwatidu. Oqurmenlerning töwendiki bu délo misalidin ibret élishini semimiylik bilen ümid qilimen.

50 yashning qarisini alghan aynur shayar nahiyesining melum baziridiki déhqan bolup, üch baligha ana bolghan idi. Uzun yil birge yashighan yoldishi raxman bilen barghanche ushshaq ishlar sewebidin tola majralishidighan bolup qélip ayrilip turghilimu bir qanche yil boldi. Qoshna yézidiki aynur bilen teng démetlik maxmutmu töt baligha ata bolghan, balilirimu xéli chong bolup qalghan idi, mushu künlerde maxmut öziche ayali zahideni qérip qalghandek hés qilip hemishe uning bilen chiqishalmaydighan bolup qaldi. Shundaq künlerning biride 2013-yili iyunda maxmut bilen aynur yéza bazirida tonushup qélip özlirining nechche balining ata-anisi ikenlikini, qanunluq jörisi barliqini untushup apaq- chapaq bolushup yürdi. Kéyinche bu "ashiq-meshuq"lar bundaq yüriwermeyli déyiship maxmut özila aynurgha toylishish oqup qanunsiz er-xotun bolushti, shuningdin kéyin maxmut hedésila aynurning öyige chépip yéza bazirida uchriship birge ötidighan boldi. Maxmut téximu heddidin éship özining aynur bilen bolghan ishini zahidege éytip ikkisini körüshtürdi, zahide ulargha yalwurup bu ishning aqiwitining yaxshi bolmaydighanliqini, ayrilip kétishni éytqan bolsimu ünümi bolmidi. Shuningdin kéyin maxmut aynur bilen ochuq-ashkara bille yüridighan boldi. Zahide aynur bilen bir qanche qétim urushqandin kéyin bu yil yéngi yil bayram küni aynur maxmutqa "ayalingiz manga öngüp turidu, ikkilimizning balilirimiz bar, sözümni bériwéting " dédi, maxmutmu " talaq " dep aynur bilen xoshlashti. Ular bir mehel ayrilip ketken bolsimu yene yoshurunche körüshüp yürdi. Bu yil 4-may maxmutning aynurning öyide ikenlikini bilgen zahide délo melum qildi. Saqchilar tekshürgendin kéyin, maxmut bilen aynur üstide délo turghuzup ularni képillikke berdi.

bu yil 10-iyul shayar nahiyelik xelq sot mehkimisi bu déloni sot qilghandin kéyin yuqarqi pakitlarni éniqlap qanun boyiche maxmut bilen aynurning qosh toylishishlinish jinayiti üchün muddetlik ikki yilliqtin qamaq jazasi bérish heqqide 1-sot hökümi élan qildi. Yéqinda ular jinayi jaza ötesh üchün türmige yötkep kétildi.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene