Bash bet>>Qanun tori>>Délo misalliri
Öchürgili bolmaydighan achközlük ‹‹oti››
Tehrir:Gülbehrem muxtar     Menbesi:Junggo uyghurche radiyo tori     Yollan'ghan waqit: 2014-08-15

 

 

nepsi balani meylige qoyuwetse, ach közlük ‹‹oti››ni öchürgili bolmaydu. Aptonom rayonluq iqtisadiy teptish nazariti shinjang kömürchilik sanaiti bashqurush idarisi rehbirini xizmet wezipisidin ayrilish aldida iqtisadiy teptish qilmighan bolsa, bu yil 50 yashqa kirgen chi déshyangning turmushi xatirjem ötüwergen bolushi mumkin idi.
shinjang kömürchilik öt öchürüsh qurulushi idarisining (töwende qisqartilip shinjang ot öchürüsh idarisi déyilidu) sabiq bashliqi, ürümchi ‹‹quyash aral›› shirkitining qanuniy wekili chi déshyangning wezipe ötigen mezgilide, musteqil yaki bashqilar bilen shérikliship xiyanet qilghan we para alghan puli 8 milyon 760 ming yüenge yetken, bu délo bir terep qilinip, délogha chétishliq barliq pul qayturup kélindi, ürümchi sheherlik ottura xelq sot mehkimisi chy déshyanggha 20 yilliq muddetlik qamaq jazasi höküm qildi.
aptonom rayonluq teptish mehkimisi xiyanetchilikke qarshi turush idarisi tehqiqlesh ikkinchi bashqarmisining muawin bashliqi yü guanglu yéqinda chi déshyangning xiyanetchilik, parixorluq délosining pash qilinish jeryanini sözlep berdi.
2004 – yili, dölet tereqqiyat – islahat komitéti ot öchürüsh türi qurulush süpitini choqum jemiyettiki wasitichi organlarning nazaret qilishi kéreklikini belgilidi. Shinjang ot öchürüsh idarisi partkomi muzakire qilish arqiliq, xuajung yéngi qurulush nazaret qilip bashqurush cheklik shirkiti (töwende qisqartilip xuajung shirkiti déyilidu) qurushni, shinjang ot öchürüsh idarisining bashqurushigha tewe qilishni, muawin idare bashliqi sey jongyungni shirketning qanuniy wekili, chi déshyangni ot öchürüsh idarisining birinchi qol rehbiri qilip teyinleshni qarar qildi.
2006 – yili, ot öchürüsh idarisi partkomi yighin échip nazaret qilip bashqurush heqqini tarqitish ölchimini muzakire qildi. Yighinda, idare partkom ezaliri, ishchilar uyushmisi reisi we nazaret qilip bashqurush shirkiti ishchi – xizmetchilirining her birige ayda 1000 yüen tarqitip bérish, konkrét yolgha qoyushqa sey jongyung mesul bolushni qarar qildi. Emma chi déshyang özining idare üchün töligen bedilige 1000 yüen az kélidighandek hés qilip, sey jongyunggha: ‹‹teng teqsimatchiliq bizdek xizmet iqtidari küchlük kishiler üchün adil bolmaydu, ikkimiz köprek élishimiz kérek, bérimiz 9000 yüendin alsaq, andin heq bolidu, bu ishni ikkimizla bilip qalayli›› dégen.
shuningdin kéyin, xua jung shirkitining üch nöwetlik tür diréktori sey jongyunggha ilgiri – kéyin bolup jemiy 2 milyon 500 ming yüen nazaret qilip bashqurush heqqini normidin sirt toluqlap bergen, chi déshyang bilen sey jongyung hökümet pulidin 1 milyon 556 ming 800 yüenni her biri 778 ming 400 yüendin yeng ichide bölüshüwalghan.
shu yili chi déshyang yene qol astidikilerni saxta waqitliq ishchilar ish heqqi jedwilini tüzüp chiqishqa buyrup, ot öchürüsh idarisi maliyesidin 27 milyon yüenni aldap élip, 24 milyon 510 ming yüenni ot öchürüsh idarisi ishchilirigha höddige élish mukapati ornida tarqitip bérip, qalduq qismini qol astidikilerge saqlap qoyushni buyrughan.
2010 – yili, ot öchürüsh idarisi orginidin 31 ishchi xuajung shirkitide qoshumche wezipe ötigende ularning ish heqqi yenila ot öchürüsh idarisidin bir tutash tarqitip bérilgen. Sey jungyung boghaltirgha saxta xuajung shirkiti ishchilirining ish heqqi jedwilini tüzgüzgen. Sey jungyung bashqilarning közini boyash hem teptish tarmaqlirigha taqabil turush üchün, boghaltirlargha ishchilarning imza sini teqlidiy yazdurghan. Nechche yilda, ular shirket maliyesidin 11 milyon yüen hökümet pulini aldap élip, köp qismini nazaret qilip bashqurush heqqi ornida ishletken.
2007 – yilidin 2013 – yilighiche, chi déshyang hökümet chiqimi nami bilen qol astidiki bashqarmidin 635 ming yüen alghan. Bu shinjangdiki bölüm derijilik kadirning on nechche yilliq ish heqqi kirimige barawer kélidu.
2008 – yilining bashliri, ot öchürüsh idarisining muawin bashliqi, ‹‹quyash aral›› shirkitining ijraiye bash mudiri rén shinméy chi déshyanggha xizmitini doklat qilghanda, ‹‹quyash aral›› méhmansariyi bashqurush qatlimidikilerning mukapati toluq neqleshtürülgenliki, biraq yene bir qisim pulning hésabatqa kirgüzülmigenlikini éytqan. Chi déshyang: ‹‹ot öchürüsh idarisi partkom benzisi ezalirimu <Quyash aral> Shirkiti mudiriyitining ezasighu, ulargha némishqa tarqatmidinglar?›› dep sorighan. Bir nechche kündin kéyin, ot öchürüsh idarisi rehberlik benzisi ezalirining mukapatini tarqitish layihesi tüzülgen, u: ‹‹awwal idare benzisi ezalirining mukapatini tarqitip bolghandin kéyin kichik xezinige qanche pul éship qalghanliqigha qarap, qalduq qismini biz bölüshüwalayli, men köprek alay›› dégen. Rén shinméy chi déshyangning buyruqi boyiche pullarni teqsim qilip bergen.
mushu qétimliq ‹‹hemkarliq››tin kéyin, ikkisi ishlarni könglide bilip bir terep qilidighan bolghan. Her yili rén shinméy idare rehberlik benzisi ezaliri we ‹‹quyash aral›› shirkiti bashqurush qatlimi xadimlirigha mukapat tarqatqanda, ‹‹quyash aral›› shirkitining kichik xezinisidin bir qisim pul chiqirip, ikkisi yeng ichide bölüshidighan bolghan.
ikkisi nechche yildila kichik xezinidiki 3 milyon 200 ming yüen hökümet pulini yeng ichide bölüshiwalghan, chi déshyang 1 milyon 700 ming yüen, rén shinméy 1 milyon 500 ming yüen alghan.
bu mezgilde, chi déshyang tep tartmay hökümet pullirini öz yénigha séliwergen. Uning chiriklishishige: ‹‹men idarigha köp bedel tölidim, men bolmisam idarining bundaq muweppeqiyetlirimu, ishchilarning parawanliqimu bolmaytti, men köp ishlidim, shunga köprek élishim kérek›› dégendin ibaret passip idiye türtke bolghan.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene