Bash bet>>Qanun tori>>Délo misalliri
Talashta qalghan "toluqlima nepiqe puli"
Tehrir:Arapat hüsenjan     Menbesi:Junggo uyghurche radiyo tori     Yollan'ghan waqit: 2014-09-16

 

ixtiyari muxbirimiz nasipjan mamut, abduweli muhememmet xewiri: aqtu nahiyesining melum yézisidiki adilning ayalidin ayrilip oghli sadir bilen birge yashawatqinigha xéli yillar bolup qaldi.Adil 80 yashqa ulashqanda sel qériliq yetti bolghay, turmushta bir az qéynilip qaldi, eyni waqitta uruq-tuqqanlar, qolum –qoshnilar meslihetlishish arqiliq adilning béshini ongshap qoyushmaqchi bolushti. Adilmu hemmeylenning pikrini chirayliqche qobul qildi. Shundaq qilip 2005 –yili awghust aylirining béride 81 yashqa qedem basqan adil qoshna yézidiki patime bilen bir yastuqqa bash qoyushti.Toydin kiyin adilning salametligi taza yaxshi bolmay orun tutup yétip qaldi. Shu künlerdin bashlap patime japa cheksimu kéchini kündüzge ulap yoldishi adilning halidin heqiqetenmu yaxshi xewer aldi. 2011 –yili 25–öktebirge kelgende adil yette yildin béri hardim –taldim dimey ayalliq burchini ada qilghan patimege menggülük raziliq bérip yerlikide yétiwaldi.Adil melum yéziliq hökümette ishlep pinsiyege chiqqan kadir bolghachqa,hökümet terep adilning 20 ayliq muashini patimege yetküzüp berdi. Eyni waqitta uruq-tuqqan ,yurt aqsaqalliri meslihet qilish arqiliq adilning 20 ayliq muashini patime bilen sadirgha teng nisbette bölüp berdi. Aridin ikki yil ötüp 2013 –yili 23 –séntebirge kelgende melum yéziliq maliye ponkiti merhum adilning nepiqe puligha 88438 yüen toluqlima puli testiqlap , pulni sadirning qoligha tutqazdi.Ehwaldin xewer tapqan patime shu hamanla sadirni izdep merhum yoldishi adilgha bergen toluqlima pulidin özige tégishlikini bérishni telep qildi, bu chaghda sadir patimege:

--sanga dadamning nepiqe puligha bergen toluqlima pulidin 5000 yüenla bérimen, uningdin jiq birelmeymeymen dep özining pikrini otturgha qoyup jimmidila turiwaldi. Aqtu nahiylik maliye idarisimu tereplerni muressege yitekligen bolsimu, sadir patimege pul bérishni izchil ret qilip keldi.Amalsiz qalghan patime qanunning derwazisini chikishke mejbur boldi.

patime sotta: " men 2005 yili 8–ayda merhum yoldishim adil bilen qanunluq turmush qurdum, biz toy qilghanda yoldushum 81 yashta idi, yoldushumning salametliki yaxshi bolmghachqa men yette yilghiche uninggha yaxshi qarap halidin xewer ilip raziliqini aldim, yoldushum 2011–yili 10–ayning 27–küni ölüp ketti, yoldushumning sadir isimlik birla oghli bar, hökümettin birilgen 20 ayliq maashinimu sadir bilen teng bölüshtuq, 2013 –yili 9–ayning 23 –küni yuqurining orunlashturishigha asasen yiziliq maliye ponkiti yoldushumgha bir qitimdila birilidighan nepiqe puligha 88438 yüen toluqlima birishni testiqlap manga xewer qildi, lékin sadir ‹‹ sanga peqetla 5000 yüen bireleymen, uningdin artuq bermeymen ›› dep manga tigishlik nepiqe pulini birishni ret qildi, aqtu nahiyilik maliye idarisimu bu puldin manga tigishlik heqqimni birish toghurluq muresse qilghan bolsimu sadir pul bérishni unimidi, shunga sot mehkimisning yuqarqi 88438 yüen nepiqe pulning 50%ti 44219 yüenni manga bölüp birishini, mushu dewa üchün tölgen dewa heqqini jawapkarning üstige ilishini telep qilimen ›› dep erz sundi.

sadir sotta: "eyni waqitta hökümettin merhum dadam adilgha 88438 yüen puli bergenliki rasit, dewager patime nepiqe pulining yirimini alimen deptu, buninggha men qoshulmaymen, dewager bilen bu puldin muwapiq nisbette bölüshsek bolidu ›› dep jawap berdi.

aqtu nahiylik sot mehkimisi27–awghust tereplerni muressege yitekliwidi, terepler öz ixtiyarliqi boyiche merhum adilgha maliyedin birilgen nepiqe toluqlima puli 88438 yüenning 20 ming yüenni dewager patime alidighan, qalghan 68438 yüenni jawapkar sadir alidighan ,sotqa töligen dewa heqqi 905 yüenning 550 yuenge jawapkar mesul bolidighan, 355 yuenge dewager mesul bolidighan bolup kilishim hasil qilishti.

eskertish: kishi isimliri özgertildi

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene