Bash bet>>Qanun tori>>Délo misalliri
Sotta teqsimlengen "miras"
Tehrir:Arapat hüsenjan     Menbesi:Junggo uyghurche radiyo tori     Yollan'ghan waqit: 2014-09-17

 

ixtiyari muxbirimiz nasipjan mamut, gülember gholajdin xewiri: aqtu nahiyesining melum yézisidiki méhmanjan 1976-yili kisel sewebidin méhriban ayali nadire bilen emdila töt yashqa ulishiwatqan qosh kézek perzenitliri rozixan bilen hüsenni waqitsiz tashlap bu dunya bilen menggülük widalashti.Aridin ikki yil ötkende nadire qoshna mehellidiki barat bilen toy qildi,emma ular perzentlik bolalmidi.Shuningdin kiyin ikkeylen meslihetlishish arqiliq rozixan bilen hüsenni teng béqip qatargha qoshushqa kilishti.Rozixan balaghetke yetkendin kiyin toy qilip chiqip ketti, hüsen chonglar bilen birge turmush kechürüp keldi. Aylar –yillarning ötishige egiship nadire bilen baratmu keyni –keynidin yerlikide yétiwilishti.Shuningdin tartip hüsen ata-anisidin miras qalghan öy,yer,charwilargha igidarchiliq qilip keldi. 2006-yiligha kelgende hüsen gulmire bilen toy qilip ,kona qedimiy jayning hoylisi ichige üch éghiz pishshiq qish qurulmiliq yer tewreshke chidamliq öy silip yéngi öyge köchüp kirishti. Kona qedimiy jay shuningdin tartip bosh qaldi .Aridin yette yil ötti,terepler üch perzentlikmu bolushti.Emma bir qétimliq qatnash weqeside hüsen qaza qilip ketti. Rozixan énisining kirpikige topa qonmastinla ata-anamdin qalghan mülüklerni qayturup bersun digen mezmunda gulmirini sot sehnisige élip chiqti.

dewager rozixan sotta: " dadam mihmanjan 1976-yilliri ölüp ketken , dadam ölüp ketkende qoshmaq inim hösen bilen ikkimiz dadimizdin tot yashta qalghan, 1978-yili anam nadire ügey dadam barat bilen turmush qordi, ügey dadam bilen anam ortaq turmush kechurush jeryanda üch éghiz xam qish qorulmiliq öy, öyning etrapidiki 100 tup tirek, 15 tuyaq qoy, üch tuyaq kala, bir ishek, bir ishek harwisi qatarliq mülüklerni berpa qilghan bolup ata-anam hayat waqtida kenittin bir nechche ademni chaqirip éghzaki wesiyet arqiliq üch éghiz xam qish qurulmiliq kona öy, yéngi bagh, bir tuyaq kala, töt tuyaq qoy qatarliqlarni manga qaldurghan, ata-anam ölüp ketkendin kéyin kona öy, yéngi bagh, yer qatarliqlargha özem igidarliq qilip keldim, mining öyüm nahiye ichide bolghachqa énim hüsenge qoy ,kalilarni bérip,öyge qarighach charwilarghimu qarap bergin ,charwilarni köpeytip özeng paydilanghin , dérini manga bérersen digen idim, 2013-yili 6-ayning 30-küni inim qatnash hadiside ölüp ketti, shuningdin kiyin énimning ayali gulmire ata-anam manga wesiyet qilip qaldurghan mülüklerge mini ige qilmay özi igelliwaldi, shunga jawapkardin üch éghiz xam qish qurulmiliq kona öy, yéngi bagh,bir tuyaq kala , 4 tuyaq qoy , 50 tup derex qatarliqlarni élip birishinglarni telep qilimen" digen mezmunda aqtu nahiylik sot mehkimisige erz sundi.

jawapkar gulmire sotta : " men dewagerning dewa telipige qoshulmaymen, men 2006-yili 2-ayning 26-küni hüsün bilen qanunluq nikahlandim, eyni waqitta yoldushum dewager telep qilghan üch éghiz xam qish qurulmiliq öyde olturiwatqan bolup, u chaghda dewager rozixan bu öyde özining miras heqqi barliqini dimigen hem yoldushumdin mirasni ayrip birishni telepmu qilmighan.Yoldushum hayat waqtida acham rozixangha 50 tup chong tirek birip razi qilip bolghan, alidighan mirasi yoq dégen idi, eyni waqitta rozixanning 50 tup tirekni miras qatarida élip bolghanliqini shu chaghdiki kent kadirliri toluq bilidu, eger dewager ata-anisidin qalghan mirasni alidighan bolsa, ata-anisi ölüp ketkendin kéyinla telep qilsa bolatti, chunki heq-telep dewa qanuning omumi qaidisining munasiwetlik belgilimiside heq telep hoquqini qoghdash yüzisidin sot mehkimisige dewa qilish sürüki ikki yil dep belgilengen bolup, dewagerning ata-anisi 2003-yili we 2005-yili arqa-arqidin ölüp ketken , shu waqitta u özining bu öyde mirasi barliqini bilidu, bilgenliki üchün inisi hüsendin 50 tup chong tirekni miras hisawida élip bolghan, shunga u hüsen ölüp ketkenge qeder miras telep qilmighan, emdilikte hüsen ölüp ketkende bu ishlarni hichkim bilmeydu, shu waqitta tirekni bölüp bergenni bilidighan kenit kadirliri alliburunla pinsiyege chiqip boldi,uning üstige dewager özining erzide ata-anam hayat waqtida kenittin bir qanche késhini yéghip aghzaki wesiyet qilip, yuqarqi öy, kala, qoy qatarliqlarni manga miras qaldurghan, öyge men igidarliq qilip keldim dep yéziptu, ejiba dewagerning ata-anisi shundaq wesiyet qaldurghan bolsa yoldushum buni nimishqa bilmeydu, dewager nime üchün kala we qoyni élip ketmeydu? Men toy qilip barghandin kéyin yéngi öy silip chiqip kettuq, shu waqitta dewager nime üchün bu öyge igidarchiliq qilmaydu, u öy konirap üsti chushup ketti, dewager shu waqitta nime üchün ige bolmaydu, dewagerning ata-anisi wesiyet qaldurghan bolsa u wesiyet qini? Mirasxurluq qanunda miras qaldurghuchi hayat waqitida wesiyet qaldurup qoysa bolidu, wesiyet aghzaki qaldurlsimu yaki yazmiche qaldursa bolidu, aghzaki wesiyet peqet miras qaldurghuchining hayati xewiplik ehwalda ikkidin artuq kishining guwahliqi bilen qaldurulushi, xewiplik waqttin ötup ketkendin kéyin yazmiche qaldurulishi kirek dep belgilengen, shunga dewager yazmiche wesiyet körsitishi kirek, eger bu wesiyettin dewagerning xewiri bolsa yoldushumningmu xewiri bolushi kérek, likin yoldushum bu toghrisida manga hichqandaq gep qilmighan, yuqarqilardin körwilishqa bolidiki dewagerning ata-anisidin qalghan mirasni alliburun ilip bolghan, emdilikte hüsen ölüp ketkende miras telep qilishi orunsiz, bu öy yoldushumgha ata-anisidin miras qalghan mülük bolup yoldushum ölüp ketkechke bu mulüklerge yoldushumning ikki perzenti merdan bilen gulzar orun basar waris süptide warsliq qilishi kérek, shunga xelq sot mehkimisining mirasxorluq qanundiki belgilimige asasen yoldushumdin qalghan yuqarqi mülükni merdan (ilgirki ayalidin bolghan)bilen gulzar qatarliq ikki orunbasar mirasxurgha ayrip birishinglarni telep qilimen " dep jawap berdi.

aqtu nahiylik sot mehkimisi mundaq dep qaridi: sotta tekshürülgen pakit we qanundiki belgilimilerge asaslanghanda merhum nadire bilen baratlardin hoyla, merasi qoshulup 20000 yüen qimmitide üch éghiz xam qish qurulmiliq öy , ishik aldi we yerning bishida 8000 yüen qimmitide 100 tüptek terek ,1000 yüen qimmitide ikki éghizambar öy, , 1000 yüen qimmitide bir éghiz qotan , 50 yüen qimmitide bir ishek harwisi , üch éghiz kona öyning arqida 4000 yüen qimmitide 4 pung etrapida kona bagh, qatarliq jemi 36050 yüen qimmitide mal-mülükler miras qalghan . Dewager rozixan anam hayat waqtida kent kadirlirni chaqirip manga 3 éghiz kona öy , bir tuyaq kala , 4 tuyaq qoy we yingi bagh qatarliqlarni aghzaki wesiyet qilip qaldurghan digen bolsimu qanundiki belgilimide wesiyet qilghuchi xewplik ehwal astida aghzaki wesiyet qaldursa boludu , aghzaki wesiyet qaldurghanda ikkidin artuq kishi töpida shahit bolup turushi kirek , wesiyet qilghuchi xewplik ehwaldin qutulup yazma yaki üalghugha ilish yoli bilen bilen wesiyet qalduralaydighan bolsa uning aghzaki wesiyiti inawetsiz bolidu diyilgen . Dewager rozixan anisining eyni waqitta xewplik ehwal astida ikenligini ispatlap birelmeydu hem anam aghzaki wesiyet qaldurdi digen mal-mülükler merhum nadire bilen baratlarning ortaq mal-mülki . Nayxan qadirning bu ortaq mal-mülüklerni barat hayat ehwal astida musteqil bir terep qilish hoqoqi yoq . Dewager rozixanning bu mal-mülüklerni anam aghzaki wesiyet qaldurghan digen teliwini qollashqa bolmaydu .Shunga bu miras qalghan mal mülüklerni rozixan we hüsenge qanuni mirasxorluq boyiche teng teqsim qilish kirek . Hüsen 2013-yili 6-ayning 30-küni qatnash weqeside qaza qilghan bolup uninggha tigishlik miras uning biwaste qandash ewlatlirdin merdan,perhat we gülzardin ibaret üch perzentige orunbasar warislar qatarida teqsim qilinishi kirek . Mirasni teqsim qilishta ishlepchiqirishqa we turmush éhtiyajigha paydiliq bolush , mirasning ünümige ziyan yetküzmeslik , bölüsh epsiz bolghan miraslarni bahagha sundurush , layiqida heq birish yaki ortaq mülük qilip qaldurush pirinsipigha asasen miras qalghan yuqurqi 36050 yüen qimmitidiki öy jay, del derex , bagh , qotan qatarliq mal-mülüklerge rozixan igidarchiliq qilip , artuq bölüngen mal-mülük bedilide merdan,perhat we gülzar qatarliqlargha muwapiq pul birish kirek . Dewager rozixan dewa telipide ata-anamdin 15 tuyaq qoy , 3 tuyaq kala , bir tuyaq ishek qatarliq mülükler miras qalghan digen bolsimu bu heqte sotta yiterlik delil ispat körsitip birelmidi . Shunga bu türdiki teliwini qollashqa bolmaydu dep qarap,22 –iyul sot échip, merhum nadire, baratlardin miras qalghan hoyla , merasi qoshulup üch éghiz xam qish qurulmuluq öy , uninggha yandash bir éghiz ambar öy we bir ighiz chelle öy , derwaza yinidiki bir éghiz qotan , öyning arqisidiki 0.4 mo kölemde ürüklük bagh , mushu baghning ayighidiki tirilghu yerning yinidiki 0.2 mo bagh, ishik aldi we yerning bishidiki jemi 100 tüp tirek, bir dane ishek harwisi qatarliq 36050 yüen qimmitidiki mal mülüklerge dewager rozixan igidarchiliq qilidu . Rozixan artuq bölüngen mal-mülük bedilide merhum hüsenning orunbasasr warislirdin merdangha 6008.30 yüen , perhatqa 6008.30 yüen , gülzargha 6008.30 yüenni höküm qanuni küchke ige bolghan haman biridu .Rozixan özige qalghan yuqurqi 3 éghiz öy we uninggha yandash bir éghiz ambar öy we bir éghiz chelle öy qatarliqlarning merasini hüsen bilen gulmire toy qilghandin kiyin birlikte salghan 3 éghiz yer tewreshke chidamliq öyning chelle öyge tutash pasilidin jenup tereptiki hoyla timighiche udullap tam itip shu uduldin ishik ichiwalidu hemde bir éghiz qotanghimu hoylining sirtidin yeni yol boyidin ishik ichiwalidu . Dewager rozixanning bashqa dewa telipi qanun boyiche ret qilinsun,eger bu hökümde belgilengen muddet ichide pul birish mejburiyitini ada qilmisa kichiktürülgen qismigha qarita qerz ösümini hessilep qaturidu dep höküm chiqardi.

eskertish: kishi isimliri özgertildi

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene