Bash bet>>Qanun tori>>Qanun uchurliri
Qatnash hadissi sadir qilip neq meydandin qachquchi jazalandi
Tehrir:Arapat hüsenjan     Menbesi:Junggo uyghurche radiyo tori     Yollan'ghan waqit: 2014-09-16

 

19 yashning qarisini alghan nurdun qaraqash nahiyesining melum yézisidiki déhqan bolup, ötken yili etiyazda shayar nahiyesige ishlemchilik qilish üchün kélip shayar nahiyesining melum yézisidiki semetning ailiside yallinip ishligen. Ötken yili 19-awghust nurdun étizdiki ishini tügitip semetning üch chaqliq motsikilitini heydep kétiwatqanda liyang jé (14yash) heydep arqisigha yaw tang(15yash) ni mingeshtürüp mangghan ikki chaqliq motsikilit bilen soqushup ketken. Nurdun ularning motsikilittin yiqilip chüshkinini körgen bolsimu toxtimastin qéchip kétip kéyin bashqilarning nesihet qilishi bilen neq meydangha qaytip kelgen. Liyang jé bilen yaw tang doxturxanigha élip bérilip jiddi qutquzuwélinghan. Qanun doxturi lyang jéning zexmisini éghir zexme, yaw tangning zexmisini yénik zexme dep bikitken, semet ularning dawalinishi üchün aldin 47ming yüen tapshurghan. Qatnash saqchiliri nurdunni neq meydanni buziwetken dep qarap bu qétimqi hadisining barliq jawabkarliqini nurdun üstige alidighanliqi heqqide étirapname chiqarghan.

bu délo sot qilinghanda liyang jé bilen yaw tangning wesiyliri nurdun we semet üstidin qoshumche heq telep dewasi qilghan. Sot mehkimisi yuquriqi pakitlarni éniqlap nurdun neq meydandin qéchip ketken bolsimu kéyin qaytip kélip saqchilargha jinayitini eynen iqrar qilghan, özini melum qilghan dep qarashqa bolidu. Semet nurdunning pirawisining yoqliqini bilgen turuqluq resmiyiti toluq bolmighan motsikilitni uning minishige bergen , lyang jé bilen yawtanglarning wesiyliri wesiylik hoquqini yaxshi ada qilmay resmiyti toluq bolmighan motsikiltini ularning minishige yol qoyghan, shunga jawabkarlarning tölem jawabkarliqini muwapiq yéniklitip zeximlengüchilerning dawalinish, qatnash chiqimi qatarliq ziyanlirining 70%tini tölishi kérek dep qarap , nurdunning qatnash hadissi jinayiti üchün muddetlik bir yilliq qamaq jazasi bérishke, nurdun bilen semetni chatma tölem jawabkarliqini üstige élip liyang jégha 52ming yüen, yaw tanggha 5ming 300yüen töleshke höküm qildi. Nurdun yéqinda jinayi jaza ötesh üchün melum türmige élip kétildi. (kishi isimliri özgertildi)

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene