Bash bet>>Qanun tori>>Qanun uchurliri
Niyuyork bulangchiliri mexsus iPhone6 yanfon hayankeshlirini bulaydiken
Tehrir:Arapat hüsenjan     Menbesi:Junggo uyghurche radiyo tori     Yollan'ghan waqit: 2014-09-26

 

alma shirkitining eng yéngi yanfoni-iphone 6 yanfonlirining sétilishni bashlishi bilen pütün yer sharidiki junggoluqlar ichide iphone 6 yanfoni sétiwélish dolqunini qozghighan bolup, shuning bilen bir waqitta nurghunlighan yanfon hayankeshlirimu torda iphone 6 yanfoni sétish toghrisidiki élan uchurlirini chiqirip, yanfon hayankeshlik sodisi arqiliq pul tépip béyishni bashlighanidi. Lékin yéqinda niyuyork shehirining biruklin rayonida ghelite bir jinayet guruhi peyda bolghan bolup, bu jinayet guruhidikiler mexsus iphone 6 yanfoni hayankeshliki bilen shughullinidighan yanfon hayankeshlirini qoral arqiliq bulash délosi sadir qilghan. 24-chésla küni kechte, bir neper junggoluqlar pushtidin bolghan er niyuyorkta bir top qoralliq jinayetchiler teripidin bulang-talang qilinghan bolup, bu qoralliq bulangchilar bu erning 14 dane iphone 6 yanfonini bulap ketken.

24-chésla küni kech saet 10 lardin ashqanda, niyuyork shehiri 6-chong kochisi 52-yolida olturushluq 24 yashliq fujyenlik gaw féy isimlik er özining ishiki aldida ikki neper afriqiliqlar pushtidin bolghan erge alma iphone 6 yanfoni sétip bériwatqanda, tosattinla qoligha qoral kötürüwalghan bir top afriqiliqlar pushtidin bolghan bulangchilar peyda bolup, bu erning 14 tal iphone 6 yanfonini bulighandin kéyin tézlikte qéchip ketken. Gaw féy isimlik bu er bulangchiliqqa uchrighandin kéyin derhal saqchigha délo melum qilghan bolup, 72-saqchi idarisi derhal üch mashiniliq saqchi xadimini neq meydangha ewetken hem délo yüz bergen yéqin etraptiki rayonlarni izdeshke bashlighan.

gaw féyning yataqdishi wang ependining éytishiche, eyni chaghda gaw féy özliri olturushluq öyning aldidiki karidorda ikki neper afriqiliqlar pushtidin bolghan er bilen sodilishiwatqan bolup, keynidinla u ehwalning chataq ikenlikini hés qilghan. U mundaq dédi, iphone 6 yanfonini ularning körüp béqishi üchün bérishim bilenla ular yanfondin yene barmu, biz hemmini sétiwalimiz dédi, shuning bilen dostum öyge kirip bashqa yanfonlarni élip chiqishi bilenla ular yénidin qoral chiqirip bizning qolimizdiki iphone 6 yanfonlirini bulap ketti.

wang ependining éytishiche, alma iphone 6 yanfoni sétilishqa bashlighandin kéyin, gaw féy malilandiki alma mehsulatlirini mexsus sétish dukinining aldida öchirette turup 10 taldin artuq iphone 6 yanfoni sétiwalghan bolup, 9-ayning 20-küni niyuyorkqa kelgendin kéyin torda alma iphone 6 yanfoni sétish toghrisida élan chiqarghan, u her bir tal iphone 6 yanfonigha 800 dollar etrapida baha qoyghan bolup, bu yanfonlarni sétish arqiliq paydigha érishmekchi bolghan. Lékin u ikki bulangchining yanfon sétiwalghuchi qiyapitide özi bilen alaqiliship özining qolidiki 14 tal iphone 6 yanfonini bulap kétishini xiyalmu qilip baqmighanidi.

saqchi terepning éytishiche, yéqindin buyan del mushu xil waste arqiliq iphone 6 yanfonini bulap kétish délosi xéli köp yüz bergeniken. 19-chésla küni hindistanliqlar pushtidin bolghan bir sodigermu niyuyorkta torda alma iphone 6 yanfoni sétish toghrisida élan chiqarghandin kéyin, ikki neper afriqiliqlar pushtidin bolghan er yanfon sétiwalghuchi qiyapitide uning bilen alaqilashqan hem körüshkendin kéyin bu kishining qolidiki 15 tal iphone 6 yanfonini bulap ketken. Nöwette saqchi terep bu ikki qétimliq bulangchiliq délosining öz ara baghlinishliq ikenlikini, her ikki qétimliq bulangchiliq délosini sadir qilghan bulangchilarning oxshash kishiler bolushi mumkinlikini perez qilishmaqta.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene