Bash bet>>Qanun tori>>Qanun uchurliri
Qara taksi shopuri achquchini yutuwélip saqchilarning tekshürüshige qarshiliq qildi
Tehrir:Arapat hüsenjan     Menbesi:Junggo uyghurche radiyo tori     Yollan'ghan waqit: 2014-09-27

 

2014-yili 9-ayning 26-küni, senshi ölkisi teyyuen poyiz istansisi aldidiki yingzé chong yoli etrapi, yoluchi toshush ishxanisi yoluchi toshushni nazaret qilish etritining qanun ijra qilish xadimliri tekshürüp tutulghan bir qara taksi shopurining mashina achquchini yutuwilishini tosumaqta. Bu qara taksi shopuri bashtin axir mashina achquchini ching chishliwélip, qanun ijra qilish xadimlirining bir terep qilishigha qarshiliq körsetken. Resimde qara taksi shopuri mashina achquchini yutmaqchi bolmaqta.

neq meydandiki qanun ijra qilish xadimliri bu qara taksi shopurining mashinisining achquchini yutuwétip salametlikige ziyan séliwélishidin saqlinish üchün pütün küchi bilen bu erge nesihet qilip uning bu qilmishini tosup qalmaqchi bolghan, lékin bu jeryanda qanun ijra qilish xadimlirining qolimu bu er teripidin chishliwélinghan. Bir saettin artuq nesihet qilish arqisida bu er shopur mashina achquchini qanun ijra qilish xadimlirigha tapshurup bergen hem özining qanunsiz qilmishigha iqrar bolup, özlükidin jazani qobul qilidighanliqini bildürgen. Resimde, qara taksi shopuri qanun ijra qilish xadimlirining öz mashinisini tutup qélishigha qarshiliq bildürmekte.

igellinilishiche, teyyuen poyiz istansisi shundaqla mushu etraptiki rayonlarning taksi tijaret ehwali we qatnash muhiti izchil halda sheher ahaliliri eng köngül bölüp kéliwatqan meslilerning biri bolup, bu yerde sheher ahalilirining taksi tosushi tes bolush, shopurlarning yoluchilarni aldash qilmishi éghir bolush shundaqla qara taksilar ewj élip kétishtek mesliler saqlanghanidi. Sheher ahaliliri bu meslilerni izchil halda alaqidar orunlargha erz qilip kelgen, her qaysi axbarat wastilirimu bu xil qanunsiz qilmishlarni toxtitishqa murajiet qilghan bolsimu, lékin bu xil qanunsiz yoluchi toshushtek qilmishlar yenila jahilliq bilen mewjut bolup kéliwergenidi. Poyiz istansisi we etraptiki rayonlarning qatnash tertipini eslige keltürüsh we qatnash tertipini qoghdash üchün, teyyuen sheherlik yoluchi toshush ishxanisi, mashina békiti bashqurush kométiti, wénmiyaw saqchixanisi, bazar bashqurush idarisi, qatnash saqchi idarisi qatarliq 5 idare-orun birlikte 9-ayning 16-künidin bashlap teyyuen poyiz istansisi meydanining aldidiki yolda birleshme tüzesh herkitini qanat yaydurghanidi. Yuqarqi orunlarning alaqidar qanun ijra qilish xadimliri her küni üch qétim tuyuqsiz tekshürüp zerbe bérishni qanat yaydurghan bolup, yoluchi towlash, qara taksi mashiniliri we qara kira motsiklitlirini asasliq tüzep tertipke sélish xizmitini qanat yaydurghan.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene