Bash bet>>Qanun tori>>Qanun uchurliri
Balilargha 50 minut yükünüp turush jazasi bergen yesli oqutquchisi ishtin heydeldi
Tehrir:Arapat hüsenjan     Menbesi:Junggo uyghurche radiyo tori     Yollan'ghan waqit: 2014-09-28

déjow jyachéng mingjü balilar baghchisining ikki neper oqutquchisining öz sinipidiki balilargha ten jazasi bergenliki toghrisidiki sin léntisi 24 – chisla ashkarilinip ketti. Daim uchrap turudighan öre turghuzup qoyush jazasi, shapilaq bilen urushtin bashqa, aile bashliqlirining eng ghezibini keltürgini balilargha yükünüp olturush jazasi bergenliki boldi, uning üstige bir yükünüshide 40 – 50 minut yükünüp turushi kérek. Hazir aile bashliqliri, saqchi terep we baghcha terep kéngiship, bu weqege chétishliq oqutquchini ishtin heydesh, shu weqege chétishliq siniptiki barliq oqughuchilarning ikki ayliq heqqini kötiriwétish jehette birlikke keldi.

déjow chilu tori muxbiri ziyaret dawamida bayqighan ehwaldin qarighanda, jyachéng mingjü balilar baghchisining chong balilar 1 – sinipidiki 27 neper balining ata anisi bir ündidar topi quruwalghan, aile bashliqliri daim bu ündidar topida özara pikir almashturup, balilirining öginish, ösüp yétilish ehwallirini biliship turudiken. 9 – ayning 24 – küni ündidar topidiki gep témisi bolsa "méning balam baghchida ten jazasigha uchridimu yoq" bolghan. Bir biri bilen alaqilishish arqiliq ata anilar balilirining ten jazasigha uchrash ehwalining heqiqeten mewjutliqini bayqighan. Shuning bilen on nechche neper aile bashliqi 25 – chisla birlikte balilar baghchisigha bérip bu ehwalni bilip kélishke wedileshken.

aile bashliqliri balilar baghchisigha bérip, chong balilar 1 – sinipining 24 – chisladiki nazaretchilik sin léntisini körgen, sin léntisida ikki neper oqutquchining "sorighan mesilige jawab bérelmidi, tapshuruqni ishlep bolalmidi " dégendek bahane sewebler bilen balilargha ten jazasi bergenliki, öre turush jazasi bergenliki yene téxi shapilaq bilen urghanliqi hetta yükünüp turush jazasi bergenliki……éniq xatirilengen. Bir qisim ata anilar bu sinni körgendin kéyin sel hayajanlinip özini tutalmay qélishqan. Ular birliship balilargha ten jazasi bergen yang muellimni urghan. Yang muellim achchiqida saqchigha délo melum qilghan. Shuning bilen saqchi terep bu baghchidiki balilargha ten jazasi bérish weqesini tekshürüshke bashlighan. Biraq yene bezi ata anilar bashtin axir bu singha qarashqa pétinalmighan. Sewebi peqet birla, yeni sin léntisini körgendin kéyin köngül téximu yérim bolidighan gep.

"bu siniptiki balilar bekla kepsiz, kepsiz bolsa kasisigha urung, öre turush jazasi béring, biraq yükünüp turush jazasi bérish bekla qamlashmighan ish boptu" dédi bir aile bashliqi.

bezi ata anilar mundaq inkas qilishti, ularning baliliri baghchida ten jazasi bérilgenlikini ata anisigha démeydiken, dégen teqdirdimu ata anilirini baghchigha bérip oqutquchilar bilen zukunlashqili qoymaydiken. Balilar hetta kepsizlik qilsaq oqutquchining ten jazasi bérish heqliq dep qaraydiken.

ata anilarning téximu qorsiqi köpken yéri ular balilirining pisxika jehettin nachar tesirge uchrap qélishidin ensireshken. Ikki kün kéngishish arqiliq, aile bashliqliri bu ishni balilar baghchisi terep bilen yeng ichide bir terep qiliwétishke qoshulghan. 26 – chisla chüshtin kéyin saet üchte, balilar baghchisi terep chonglar 1 – sinipidiki balilarning aile bashliqliri yighini chaqirip, ikki terep ten jazasi weqesi toghrisidiki tölem mesilisi toghrisida kéngeshken. Biraq aile bashliqlirining pikri bir yerdin chiqmighan hetta bezi ata anilargha uqturush qilinmighan. Axirida mundaq bir terep qilish qarari chiqirilghan: ten jazasi bergen ikki oqutquchini ishtin heydesh, chong balilar 1 – sinipidiki 27 neper oqughuchining ikki ayliq mektep puli yeni her bir oqughuchi her ayda tapshuridighan 1160 yüenni kötiriwétish, bu sinipni aile bashliqliri bir qeder étirap qilidighan, shu baghchidiki bashqa ikki neper oqutquchining qoligha tutquzush.

biraq xéli köp ata anilar bu bir terep qilish netijisidin anche razi bolushmidi, xéli köp ata anilar balilarni bashqa mektepke yötkeshni xalimidi, ishni téximu chongaytiwétishnimu xalimidi, ular balilirigha saghlam ösüp yétilidighan, yaxshi öginish qilidighan bir ténch muhitning bolushinila ümid qilishti.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene