Bash bet>>Qanun tori>>Qanun sawatliri
Nomur taxtisini qar tosuwalsimu bolmaydu
Tehrir:Gülbehrem muxtar     Menbesi:Junggo uyghurche radiyo tori     Yollan'ghan waqit: 2014-09-15

 

2013-yili kirishi bilen yéngi qatnash qaidisi küchke ige boldi, buninggha egiship nurghun jaylarda qélin qar yéghip, kishilerni qishning güzel menzirisidin huzurlandurghan bolsimu, lékin aptomobil heydep yolgha chiqqan kishilerge nurghun awarichilik peyda qildi. Pikapni sirtqa toxtitip qoyghanlarning bu etiwarliqi qélin qar astida qaldi, hetta bezilirining nomur taxtisini qar "yoshurup" qaldi. Biraq qatnash saqchiliri agahlandurup mundaq déyishti:"qarning aptomobil nomur taxtisini yépiwélishidin hezer eyleng, bolmisa qaidige xilapliq qilghanlar qatarida nomuringizdin ayrilip qalisiz".

aldi eynek qatarliq körüsh sezgüsige biwasite tesir körsitidighan yerlerge qarighanda, aptomobil nomur taxtisi asanla közdin qéchip qalidu. Xangju sheherlik shén ependi muxbirgha mundaq dédi:"qishta ademning issiq yotqandin chiqqusi kelmeydu, shunga ish waqtigha azla qalghanda amalsiz orundin turidighan gep, biraq waqit qistap qalghachqa, pikapni bisiwalghan qarni anda-sanda tazilapla heydep yolgha chiqip kétidighan chaghlar köp bolidu, bundaq chaghda aptomobilning nomur taxtisigha yighilip qalghan qarni tazilash heqiqeten ademning yadigha kelmeydu".

chin ependi tolimu inchike adem, u muxbirgha mundaq dédi:"junggoning jenubida mundaq qélin qarning yaghqanliqi tilepmu tapqili bolmaydighan amet bolsa kérek. Biraq qar yighindiliri nomur taxtisini bésiwalghan aptomobilni heydep kochigha chiqish éniqki, qarap turup xataliq ötküzgenlik, chünki bu dégen ‹yéngi qatnash qaidisi qanuni›gha xilap qilmish, saqchining qoligha chüshüp qalsingiz, 12 nomuringizning közi ochuq kétidu, bu rast gep!".

xangju shehiridiki bir qatnash saqchisi mundaq dédi:" etigende qar astida qalghan pikapingizni tazilighan chaghda azraq köngül qoyup qoyung, bolupmu pikapingizning nomur taxtisigha bekrek köngül bölüng". Muxbir mundaq ehwallarni igilidi: ötken nechche künde qarning nomur taxtisini tosuwalghanliqi tüpeylidin jazalanghan shopur yoq iken, biraq qatnash saqchi dairiliri yenila kishilerge mundaq agahlandurush berdi:"eger pikapingizning bashqa jayliri pakpakiz bolup, peqet nomur taxtisidiki qar tazilanmighan bolsa, siz qesten tosuwalghan gumandargha aylinip qalisiz, bundaq chaghda nomuringiz yirtilip ketse, bu choqum epsuslinarliq ish bolup qalidu, elwette".

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene