Bash bet>>Qanun tori>>Qanun sawatliri
Mektep aptomobilliri shopurliridin nomur tutushta qandaq alahide belgilime bar?
Tehrir:Gülbehrem muxtar     Menbesi:Junggo uyghurche radiyo tori     Yollan'ghan waqit: 2014-09-17

 

mektep aptomobilliri shopurliridin nomur tutushta qandaq alahide belgilime bar?

gowuyüenning " mektep aptomobillirining bixeterlikini bashqurush nizami" ning belgilimisge asasen, mektep aptomobili – balilar baghchisidiki balilarni apirip-ekélish, mejburiyet maaripi basquchidiki oqughuchilarni apirip- ekilishke ishlitilidu. Mektep aptomobillirining bixeterliki oqughuchilarning mektepke bérip-kélish bixeterliki bilen munasiwetlik, mektep aptomobillirini heydigende zor ijtimaiy mesuliyetni ustige alghan bolidu, shunga qatnash bixeterliki qanun-qaidisige qattiq riaye qilishi kérek. Mektep aptomobillirining bixeterlikige kapaletlik qilish üchün j x ministirliqining 123- numurluq permanida mektep aptomobillirigha qarita qattiq nomur tartish belgilimisi chiqirildi: birinchidin, bir qétimdila 12 nomur tartilidighan ehwallar: mektep aptomobilliridiki adem sani belgilengen adem sanidin 20% tin artuq éship ketken bolsa; Mektep aptomobillirini yuqiri süretlik tashyol,sheher téz süretlik tashyolidaheydigende saetlik süriti belgilengen sürettin 20%din artuq éship ketken yaki yuqiri süretlik tashyol, sheher téz süretlik tashyolidin bashqa yolda saetlik süriti belgilengen sürettin 50% tin yuqiri bolsa; Mektep aptomobillirini heydesh salahiyet guwahnamisi almighanlar mektep aptomobillirini heydigen bolsa; Ikkinchidin, bir qétmdila alte nomur tartilidighan ehwallar: mektep aptomobilliridiki normidin éship ketken adem sani 20% ke yetmigende; Mektep aptomobillirini yuqiri süretlik tashyol, sheher téz süretlik tashyolidaheydigende belgilimidin éship ketken saetlik süriti 20% ke yetmigende; Yuqiri süretlik tashyol, sheher téz süretlik tashyolidin bashqa yolda heydigende belgilimidin ashuruwetken süriti 20%tin yuqiri 50%tin töwen bolghanda;Üchinchidin, bir qétimda ikki nomur tartilidighan ehwallar: mektep aptomobillirigha belgilimige boysunmighan halda bixeterlik üskünilirini ornatmighanlar yaki belgilimige xilap halda mektep aptomobillirini bixeterlik jehette asrimighanla; Mektep aptomobilliri oqughuchilarni élip mangghanda, belge taxtisini belgilimige xilap halda qoymighan, belge chirighini échip qoymighanlar we yaki tekshürüp bikitishtin ötmigen yol linyiside yol yürgenler; Mektep aptomobilliri mektepke baridighan- qaytidighan oqughuchilarni élip mangghanda, belgilime boyiche mektep aptomobillirini toxtitish békitide toxtimighanlar; Mektep aptomobilliri oqughuchilarni almay yol yürgende mektep aptomobili belgisi , mektep aptomobili belge chirighi, aptomobil toxtitish körsetkuch belgisini ishletkenler; Mektep aptomobilini heydep yol yürüshtin ilgiri, mektep aptomobilining bixeterlik téxnika telipige uyghun yaki uyghun emeslikini tekshürmigen yaki bixeterlik yushurun xewpi saqlanghan aptomobilni heydigenler; Oqughuchilar olturghan mektep aptomobillirigha may qachilighan yaki mektep aptomobilining matori öchmestin burun ornidin ayrilghanlar. Mektep aptomobilliri shopurlirining bashqa qatnash qaidisige xilapliq qilish qilmishlirigha nomur tartqanda, "yol qatnash bixeterliki boyiche tartilidighan nomur qimmiti" ning alaqidar belgilimisige asasen ijra qilinidu. Eskertishke tégishliki shuki, bashqa maturluq qatnash wastiliri belgilime boyiche mektep aptomobillirigha yol bérishi kérek, maturluq qatnash wasitiliri shopurliri mektep aptomobiligha belgilime boyiche yol bermigende bir qétimda alte nomur tartilidu.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene