Bash bet>>Qanun tori>>Qanun sawatliri
Shinjang uyghur aptonom rayonining kömür, néfit, tebiiy gaz échishta muhit asrash nizami
Tehrir:Osmanjan yüsüp     Menbesi:Shinjang géziti     Yollan'ghan waqit: 2014-10-13

shinjang uyghur aptonom rayonluq 12 – nöwetlik xelq qurultiyi daimiy komitétining élani

(7 – nomurluq)

‹‹shinjang uyghur aptonom rayonining kömür, néfit, tebiiy gaz échishta muhit asrash nizami›› 2014 – yil 7 – ayning 25 – küni shinjang uyghur aptonom rayonluq 12 – nöwetlik xelq qurultiyi daimiy komitétining 9 – yighinida qarap chiqip maqullinip, hazir élan qilindi. 2015 – yil 3 – ayning 1 – künidin bashlap yolgha qoyulsun.

2014 – yil 7 – ayning 25 – küni

1 – madda bu nizam kömür, néfit, tebiiy gaz échishta ékologiyeni buzushning, muhitni bulghashning aldini élish we uni tüzesh, ékologiyelik muhitni asrash we yaxshilash, ékologiye medeniyliki qurulushini ilgiri sürüsh meqsitide, ‹‹jungxua xelq jumhuriyitining muhit asrash qanuni›› we alaqidar qanun – nizamlargha asasen, aptonom rayonimizning emeliyitige birleshtürüp chiqirildi.

2 – madda aptonom rayonimizning memuriy teweside kömür, néfit, tebiiy gaz échish jeryanidiki muhit asrash we uni nazaret qilip bashqurush paaliyitide mushu nizam tetbiqlinidu.

bu nizamda éytilghan kömür, néfit, tebiiy gaz échish kömür, néfit, tebiiy gazni charlash, échish, saqlash, toshushni öz ichige alidu.

3 – madda kömür, néfit, tebiiy gaz échish jeryanidiki muhit asrash xizmitide omumyüzlük pilanlash, asrashni aldinqi orungha qoyush, aldini élishni asas qilish, bulghinishning aldini élish we uni tizginleshni ékologiyeni asrash bilen birleshtürüsh fangjéni yolgha qoyulidu, kim achsa shu asrash, kim paydilansa shu toluqlima bérish, kim buzsa shu eslige keltürüsh, kim bulghisa shu tüzesh pirinsipida ching turulidu.
4 – madda nahiye derijiliktin yuqiri xelq hökümiti shu memuriy rayonning muhit süpitige mesul bolup, kömür, néfit, tebiiy gaz échishta muhit asrashni muhit asrash xizmet nishani boyiche mesuliyitini bahalash mezmunigha kirgüzüshi kérek.

5 – madda aptonom rayon ékologiyeni asrash toluqlima tüzümini ornitidu.

alaqidar yerlik xelq hökümetliri ékologiyeni asrash toluqlima meblighini emeliyleshtürüp, uni ékologiye asrash toluqlimisi üchün ishlitishke kapaletlik qilishi kérek.

ékologiyeni asrash toluqlima pulini tapshurghan achquchi orunlarning bulghinishning aldini élish we uni tüzesh, ékologiyeni eslige keltürüsh jawabkarliqi kechürüm qilinmaydu.

6 – madda nahiye derijiliktin yuqiri xelq hökümitining muhit asrash mesul tarmiqi shu memuriy rayonning kömür, néfit, tebiiy gaz échish jeryanidiki muhit asrash xizmitini bir tutash nazaret qilip bashquridu.

tereqqiyat we islahat, zémin bayliqi, maliye – iqtisad we uchurlashturush, suchiliq, déhqanchiliq, charwichiliq, ormanchiliq, qatnash – tiransport, kömür sanaitini bashqurush tarmiqi qatarliq alaqidar tarmaqlar kömür, néfit, tebiiy gaz échish jeryanidiki muhit asrashqa dair xizmetlerge qanunda belgilengen mesuliyiti dairiside mesul bolidu.

7 – madda nahiye derijiliktin yuqiri xelq hökümetliri kömür, néfit, tebiiy gaz échish jeryanidiki muhit asrashqa dair teshwiqat we terbiyeni kücheytishi kérek.

puqralar, qanuniy igiler we bashqa teshkilatlar kömür, néfit, tebiiy gaz échish jeryanida muhitni bulghash ehwalini bayqisa, muhit asrash mesul tarmiqi yaki muhit asrashni nazaret qilip bashqurush mesuliyiti bar bashqa tarmaqqa pash qilishqa hoquqluq.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene