جۇڭگو كومپارتىيەسى مەركىزىي كومىتېتى سىياسىي بىيۇروسىنىڭ ئەزاسى، گوۋۇيۈەننىڭ مۇئاۋىن زۇڭلىسى، جۇڭگو ئامېرىكا ئومۇميۈزلۈك ئىقتىساد سۆزلىشىشىنىڭ جۇڭگو تەرەپ باشلامچىسى ليۇ خې 2-ئىيۇن چۈشتىن بۇرۇن ئامېرىكىنىڭ مالىيە مىنىستىرى ياللۇن بىلەن ۋىدېيودا سۆزلەشتى. ئىككى تەرەپ جۇڭگو بىلەن ئامېرىكىنىڭ ئىقتىساد مۇناسىۋىتى ئىنتايىن مۇھىم دەپ قارىدى. ئىككى تەرەپ باراۋەر ۋە ئۆز ئارا ھۆرمەت قىلىش پوزىتسىيەسى بىلەن ماكرو ئىقتىساد ۋەزىيىتى ۋە كۆپ تەرەپلىك ساھەلەردىكى ھەمكارلىقى ئۈستىدە كەڭ دائىرىدە ئالاقىلىشىپ، بىر بىرىنىڭ كۆڭۈل بۆلىدىغان مەسىلىلىرىدە سەمىمىي پىكىر ئالماشتۇردى، ئالاقىنى داۋاملىق ساقلاشنى خالايلىدىغانلىقىنى بىلدۈردى.