ئىراننىڭ يېڭىدىن سايلانغان زۇڭتۇڭى ئىبراھىم رەئىسى قەسەم بېرىپ ۋەزىپىگە ئولتۇرۇش مۇراسىمى ئۆتكۈزۈلدى
جۇڭگو ئۇيغۇرچە رادىيو تورى 6-ئاۋغۇست بېيجىڭ خەۋىرى:
شۇ جاي ۋاقتى 8-ئاينىڭ 5-كۈنى چۈشتىن كېيىن، ئىراننىڭ يېڭىدىن سايلانغان زۇڭتۇڭى ئىبراھىم رەئىسىنىڭ قەسەم بېرىپ ۋەزىپىگە ئولتۇرۇش مۇراسىمى ئىران پارلامېنت بىناسىدا ئۆتكۈزۈلدى.
رەئىسى سۆز قىلىپ مۇنداق دېدى: ئىرانغا بېسىم ئىشلىتىش ۋە جازالاش ئىران خەلقىنىڭ ئۆزىنىڭ قانۇنلۇق ھوقۇقىنى قوغلىشىش قەدىمىنى توسۇپ قالالمايدۇ. رەئىسى ئىراننىڭ يادرو پىلانىنىڭ تىنچلىق خۇسۇسىيىتىنى يەنە بىر قېتىم تەكىتلىدى ھەمدە يادرو قوراللىرىنى تەرەققىي قىلدۇرۇش ئىراننىڭ دۆلەت مۇداپىئە ئىستراتېگىيەلىك پىلانى ئىچىدە ئەمەس دېدى.