رۇسىيە دۆلەت مۇداپىئە مىنىستىرلىقى 3-ئاينىڭ 14-كۈنى ئامېرىكا ئارمىيەسى ئۇچقۇچىسىز ئايروپىلانىنىڭ قارا دېڭىز ئاسمىنىدا پەيدا بولغانلىقى توغرىسىدا بايانات ئېلان قىلىپ مۇنداق دەپ كۆرسەتتى: رۇسىيەنىڭ ئۇرۇش ئايروپىلانى ئاسمانغا كۆتۈرۈلگەندىن كېيىن، ئامېرىكىنىڭ ئۇچقۇچىسىز ئايروپىلانى كونتروللۇقىنى يوقىتىپ، دېڭىزغا چۈشۈپ كەتتى. رۇسىيەنىڭ ئۇرۇش ئايروپىلانى قورال ئىشلەتمىدى، ئۇچقۇچىسىز ئايروپىلان بىلەنمۇ ئۇچراشمىدى. شۇ كۈنى ئامېرىكا ھاۋا ئارمىيەسىنىڭ بىر كوماندىرى ئامېرىكىنىڭ بىر ئۇچقۇچىسىز ئايروپىلانى 3-ئاينىڭ 14-كۈنى رۇسىيەنىڭ بىر ئۇرۇش ئايروپىلانىنىڭ توسۇپ زەربە بېرىشىگە ئۇچراپ، قارا دېڭىزغا چۈشۈپ كەتتى دېگەن ئىدى.

تەرجىمان: بەختىيار تۇردى