ئىسرائىلىيە ئارمىيەسى 8-ئاينىڭ 21-كۈنى چۈشتىن كېيىن غەززە رايونىدىكى نۇرغۇن سەرگەردانلار ئورۇنلاشتۇرۇلغان ئۆي ۋە مەكتەپلەرگە ھۇجۇم قىلدى، ھۇجۇمدا 29 پەلەستىنلىك قازا قىلدى.

  ئىسرائىلىيەنىڭ دۆلەت مۇداپىئە مىنىستىرى گاللانت 8-ئاينىڭ 21-كۈنى مىسىر، غەززە چېگرا رايونىغا جايلاشقان «فىلادېلفى كارىدورى»غا باردى، ئۇ مۇنۇلارنى بىلدۈردى: نۆۋەتتە ئىسرائىلىيە ئارمىيەسى قىسمى «فىلادېلفى كارىدورى» بويىدىكى 150 دىن ئارتۇق تونېلنى ۋەيران قىلدى، خاماسنىڭ قارمىقىدىكى قوراللىق گۇرۇھ رافا لۈيى ئىسرائىلىيە ئارمىيەسى تەرىپىدىن مەغلۇپ قىلىندى. خاماس تەرەپ بۇنىڭغا ۋاقتىنچە ئىنكاس قايتۇرمىدى.

  ئىسرائىلىيە 8-ئاينىڭ 21-كۈنى لىۋاننىڭ جەنۇبىدىكى سىدون شەھىرىگە ھۇجۇم قىلدى، ھۇجۇمدا پەلەستىن مىللىي ئازادلىق ھەرىكىتى فاتاخنىڭ ئەمەلدارى خەلىل مەگدانىڭ قازا قىلدى. فاتاخ مەركىزىي كومىتېتىنىڭ ئەزاسى تىلاۋى 8-ئاينىڭ 21-كۈنى بۇ ئىسرائىلىيەنىڭ بۇ رايوندا «ئومۇميۈزلۈك ئۇرۇش قوزغاش» مەقسىتى بارلىقىنى يەنىمۇ ئىسپاتلىدى، دېدى.

  تەرجىمان: ئىمىنجان ئىسمايىل

  سېلىشتۇرغۇچى: پاتىگۈل مۇھەممەت