ئامېرىكا قوشما ئىشتات زاپاس پۇل كومىتېتى 6-ئاينىڭ 18-كۈنى ئىككى كۈنلۈك پۇل سىياسىتى يىغىنىنى ئاخىرلاشتۇرۇپ، قوشما ئىشتات فوندى ئۆسۈم نىسبىتى نىشان ئارىلىقىنى %4.25تىن %4.50كىچە ئارىلىقتا ساقلايدىغانلىقىنى جاكارلىدى. بۇ ئامېرىكا قوشما ئىشتات زاپاس پۇل كومىتېتى پۇل سىياسىتى يىغىنىنىڭ ئۇدا 4- قېتىم ئۆسۈم نىسبىتىنى ئۆزگەرتمەسلىكنى قارار قىلىشى. باش تېلېۋىزىيە ئىستانسىسى مۇخبىرىنىڭ شۇ كۈنى ئىگىلىشىچە، ئامېرىكا قوشما ئىشتات زاپاس پۇل كومىتېتى ئەمەلدارىنىڭ مۆلچەرلىشىچە، كەلگۈسى بىر نەچچە ئايدا ئامېرىكىدا پۇل پاخاللىقى ئېغىرلىشىدىكەن، لېكىن بۇ يىلنىڭ ئاخىرىدىن بۇرۇن ئۆسۈم يەنىلا ئىككى قېتىم تۆۋەنلىتىلىشى مۇمكىنكەن.
تەرجىمان: پاتىگۈل مۇھەممەت
سېلىشتۇرغۇچى: گۈزەلنۇر روزى