ئىستانسىمىز «ئىشەنچنى چىڭىتىپ، روھىمىزنى ئۇرغۇتۇپ، بىر نىيەتتە ھەمكارلىشىپ، غەيرەت بىلەن ئىشلەيلى» ماۋزۇلۇق ئوبزور ئېلان قىلدى.

ئوبزوردا مۇنداق دېيىلدى: نەق مەيداندا تەكشۈرۈپ تەتقىق قىلىشتىن ۋىدېيولۇق كۆرۈشۈشكىچە-ئۆزگەرگىنى شەكىل، ئۆزگەرمىگىنى خەلقنى سۆيۈشتىن ئىبارەت ئەسلىي مەقسەت بولدى. خەلق داھىيسىنىڭ قەلبى باشتىن-ئاخىر پۈتۈن مەملىكەتتىكى ھەر مىللەت خەلقىنىڭ قەلبى بىلەن زىچ باغلانغان. بۇ قېتىم ۋىدېيولۇق كۆرۈشۈش ئارقىلىق، باش شۇجى شى جىنپىڭ خېيلۇڭجياڭ، فۇجيەن، شىنجاڭ، خېنەن، بېيجىڭ، سىچۈەن قاتارلىق نۇرغۇن جايلاردىكى ئاساسىي قاتلامنىڭ يۈرۈشۈش ئەھۋالىنى ئىگىلىدى، تېببىي خادىملار، ياشانغانلار، كارخانا خىزمەتچىلىرى، سودىگەرلەر قاتارلىقلار بىلەن سەمىمىي پىكىر ئالماشتۇردى، يۇقۇمنىڭ ئالدىنى ئېلىش-تىزگىنلەش، كۈتۈنۈش، چاغانلىق تىرانسپورت، يېزا-كەنتلەرنى گۈللەندۈرۈش قاتارلىقلار توغرىسىدا مۇھىم يوليورۇق بەردى. سەمىمىي رىشتە، مۇھىم تاپشۇرۇق-ئاساسىي قاتلامدىكى كادىرلار ۋە ئاممىنى ھەسسىلەپ ئىلھاملاندۇرۇپ، بىزگە يېڭى مۇساپىدە جاسارەت بىلەن ئالغا ئىلگىرىلەش يۆنىلىشىنى كۆرسىتىپ بەردى.

تەرجىمان: ئابدۇللا موللا