باش بەت>>غەلىتە ئىشلار
تارىختىكى قەبرىسى ئېچىلغان داڭلىق كىشىلەر
مەنبەسى:جۇڭگو ئۇيغۇرچە رادىيو تورى |تەھرىر:گۈلرىز سۈرئەت | يوللانغان ۋاقىت:2013-01-06 16:42:05

ئولىف كىلونۋېر

ئولىف كىلونۋېر ئەنگىلىيەلىك ھەربىي ئەمەلدار ۋە سىياسىي شەخس بولۇپ، 1658-يىلى قازا قىلغان ۋە دۆلەت دەپنە ئۇسۇلى بويىچە داڭلىق شىفمىر ئىبادەتخانىسىغا دەپنە قىلىنغان، جەسىتى چىرىشنىڭ ئالدىنى ئېلىش ئۇسۇلى بويىچە بىر تەرەپ قىلىنغان. خانلىق دەۋرى ئەسلىگە كەلگەندىن كېيىن ئۇنىڭ جەسىتى كولاپ ئېلىنىپ كاللىسى كېسىۋېتىلىپ، جەسىتى لوندۇن شەھەر مەركىزى ئەتراپىدىكى بىر ئازگالغا تاشلىۋېتىلگەن، بۇ يەر ئەينى ۋاقىتتا ئۆلۈم جازاسى ئىجرا قىلىنىدىغان جاي ئىدى.

چارلىز چاپلىن
دۇنياغا داڭلىك كومىدىيە ئاتىسى چارلىز چاپلىن 1977-يىلى روژدېستۋا بايرىمىدا شىۋېتسارىيەدە 88 يېشىدا ۋاپات بولغان ۋە ۋولىد ئىشتاتىغا دەپنە قىلىنغان. ئۈچ ئايدىن كېيىن پولشا ۋە بۇلغارىيەدىن كەلگەن ئىككى قانۇنسىز كۆچمەن تەرىپىدىن جەسىتى ئوغۇرلاپ كېتىلگەن، 11 ھەپتىدىن كېيىن ئۇنىڭ جەسىتى قايتۇرۇپ كېلىنگەن.

ئېۋا بىلون خانىم

ئارگېنتىنانىڭ سابىق پىرېزىدېنتى بىلوننىڭ خانىمى ئېۋا بىلون قازا قىلغاندىن كېيىن ھەيۋەتلىك دەپنە قىلىنغان. 1950-يىلى، ئارگېنتىنادا ھەربىي ئىشلار ئۆزگىرىشى يۈز بېرىپ، يېڭىدىن ھاكىمىيەت بېشىغا چىققۇچىلار ئۇنىڭ جەسىتىنى مەخپى يۆتكەپ كەتكەن، 1957-يىلى ۋاتىكان دۆلىتىنىڭ ياردىمىدە ئۇنىڭ جەسىتى ئىتالىيەنىڭ مىلان شەھىرىگە يۆتكەپ ئاپىرىلىپ دەپنە قىلىنغان. 1971-يىلى ئۇنىڭ جەسىتى بىلونغا قايتا دەپنە قىلىنغان.

كىيۇرى خانىم

كىيۇرى خانىم ۋە ئۇنىڭ يولدىشىنىڭ جەسەت كۈلى 1995-يىلى فىرانسىيە پارىژدىكى مۇقەددەس ئىبادەتخانىدا قايتا دەپنە قىلىنىپ، ئۇنىڭ ئۆمۈرلۈك تۆھپىسى تارتۇقلانغان. كىيۇرى خانىم پولشادا تۇغۇلغان بولۇپ، تارىختا بىرىنچى بولۇپ ئىككى تۈرلۈك نوبىل مۇكاپاتىغا ئېرىشكەن شەخس ھېسابلىنىدۇ. ئۇ 1934-يىلى ئاق قان كېسەللىكى بىلەن ئالەمدىن ئۆتكەن.

جېسسى جامىس

ئامېرىكىدا سېسىق نامى پۇر كەتكەن قارا گۇرۇھ كاتتىبېشى بولۇپ، 1882-يىلى ئۆلگەندىن كېيىن كىشىلەر ئۇنىڭ ئۆلۈمىدىن گۇمانلانغان، ئۇنىڭ ھەقىقىي سالاھىيىتىنى تەكشۈرۈش ئۈچۈن 1955-يىلى ئۇنىڭ جەسىتى كولاپ چىقىپ تەكشۈرۈپ جەسەتنىڭ ھەقىقەتەن ئۇنىڭ ئىكەنلىكى جەزىملەشتۈرۈلگەن.

كىرىستوف كولومبۇ

1506-يىلى، كولومبۇ ئىسپانىيەنىڭ شىمالىي قىسمىدىكى بىر ئاددىي مېھمانسارايدا ئالەمدىن ئۆتكەن. ئۇنىڭ ۋەسىيىتىدە ئۆزىنى ئۆزى بايقىغان ئامېرىكا قىتئەسى يېڭى چوڭ قۇرۇقلۇقىغا دەپنە قىلىش تەلەپ قىلىنغان، ئەمما ئەينى ۋاقىتتا ئامېرىكا قىتئەسىدە مۇۋاپىق چېركاۋ بولمىغانلىقتىن ئىسپانىيەنىڭ ۋالادولىد دېگەن يەرگە دەپنە قىلىنغان. كېيىن قايتىدىن ئىسپانىيە سېۋېلىيەدىكى بىر قەبرىستانلىققا دەپنە قىلىنغان.

ئېلزابىت سىدار

ئەنگىلىيەلىك سەنئەتكار ۋە شائىر تادىن روسايدىنىڭ خانىمى ئېلزابىت سىدار 1862-يىلى ئەپيۇننى زىيادە كۆپ چەككەنلىكتىن زەھەرلىنىپ ئۆلگەن، ئۇ دەپنە قىلىنغاندا روسايدىنىڭ بىر مۇنچە ئەسەرلىرى ئۇنىڭ بىلەن قوشۇپ دەپنە قىلىنغان، كېيىن روسايدى ئاشۇ قوشۇپ دەپنە قىلىنغان ئەسەرلىرىنى نەشىر قىلدۇرماقچى بولغاندا قەبرىنى ئېچىپ ئۇ نەرسىلەرنى ئالغان.

ئالدىنقىسى
كېيىنكىسى
مۇناسىۋەتلىك خەۋەرلەر
يەنە قىزىق نۇقتا
يەنە ئاۋات سۈرەتلىك خەۋەرلەر
يەنە تەنتەربىيە
يەنە پەن-تېخنىكا
يەنە غەلىتە ئىشلار
يەنە كوچا پاراڭلىرى
يەنە ساغلاملىق