bir tereptin yol méngip, yene bir tereptin yanfon oynash nurghun kishilerning aditige aylinip qaldi, emma bundaq adetning belgilik xetiri bar. Yaponiye taratqusining 6-dékabirdiki xewirige asaslanghanda, yaponiyediki eng chong köchme alaqe tijariti shirkiti 5-dékabirdin bashlap ‹mangghach yanfon oynashning aldini élish› mulazimiti teminlep, kishilerge yol mangghanda yanfon oynimasliqni eskertip, kélishmeslik yüz bérishining aldini alghan.

xewerge asaslanghanda, eger siz bir tereptin yol méngip, yene bir tereptin eqliy iqtidarliq yanfongha qarisingiz, bu yéngi iqtidar sizning yol méngiwatqanliqingizni biliwélip, yanfonning ékranida agahlandurush körünüshi chiqidiken. Gerche oyun qatarliq yumshaq détallar dawamliq yürüshiwersimu, emma agahlandurush körünüshi tosuwalghachqa, meshghulat qilalmay qalidikensiz. Eger siz yol yürüwatqanda eqliy iqtidarliq yanfonni yanchuqingizgha sélip qoysingiz yaki quliqingizgha tutup téléfon alsingiz, agahlandurush körünüshi yoqap kétidiken. Bu iqtidarni androidning 4.1 neshridin yuqiri neshri qachilanghan eqliy iqtidarliq yanfonlarda ishletkili bolidiken.

xewerge asaslanghanda, buningdin ilgiri yaponiyede kishiler bir tereptin yol méngip, yene bir tereptin yanfon oynash sewebidin éhtiyatsizliq béket supisidin chüshüp kétish yaki wélispitke üsüwélish hadisiliri yüz bergen. Alaqidar mutexessislermu yol mangghach yanfon oynashning xetirini körsitip bergen.