beziler pochta markisi yighishqa amraq, yene beziler tengge pul yighishqa amraq. Biraq oqush qorallirigha esebiylerche meptun bolup qalghan bu hindistanliq oghul bala herxil qérindash qelemlerni yighqan, yighish miqdari jehette dunya boyiche birinchi orunda turup, jinis dunya rékortini yaratqan. Engiliye "kündilik pochta géziti" ning xewirige asaslanghanda, hindistanning yéngi déhliliq 15 yashliq oghul bala tushar.Lakxanpal (Tushar Lakhanpal) töt yéshidin bashlapla qérindash yighishqa bashlighan bolup, 40 nechche döletning 14 mingdin artuq herxil qérindash qelemlirini yighqan.

tusharning saqlighan boyumlirining ichide, heshemetlik bir quta ichide engiliye ayal padishahi élzabitning ikki esir burun ishletken ikki dane qelimi bar iken. Tushar: " ata-anam 400 nechche fondstérling xejlep manga engiliye ayal padishahi élzabitning ilgiri ishletken qelimini élip berdi. Yighqan qelemlirimning beziliri xush puraqliq, bezilirining qalpiqi bar intayin qiziqarliq, bezi qelemler yaghachtin yasalghan, yene beziliri bolsa qol hüniri arqiliq yasap chiqilghan" dédi. Tushar yighqan qelemlerning ichide eng chongining kengliki sekkiz ingilizchisi (texminen 2.5 santimétir), uzunliqi 29 santimétir, eng kichikining bolsa töt santimétir kélidiken. Tushar bu qelemlerni yighish arqiliq hindistanda dunya jinis rékortini yaratqan, u yene dawamliq qelem yighip yighish sanini 15 minggha yetküzüp, bu arqiliq jinis dunya rékortini buzup tashlashni oylighan. Tusharning dadisi uchquchii bolup, tusharning bu ishini intayin qollaydiken, hetta tusharning yaxshi ötidighan dostlirimu uninggha daim dégüdek qelem sowgha qilidiken.