engiliye faw nahiyesidiki klasson isimlik bir qiz zukam waksinisi emligendin kéyin, uxlash késilige giriptar bolup qalghan, xalighan chaghda, xalighan jayda uxlaydighan bolup qalghan, künige 30 nechche qétim mügdeydiken, shunga hayat yashash uninggha nisbeten bir "qabahetlik chüsh" bolup qalghan. Hazir klasson bu késilini dawalash üchün dora bilen dawaliniwétiptu. Igilinishiche, klasson 2009–yil waksina emletken, töt aydin kéyin u özining éghir uyqu késilige giriptar bolup qalghanliqini bayqighan, turmushi pütünley qalaymiqanliship ketken. U kechkiche mügdep qalidighanliqi üchün normaq ders oqushqa amalsiz qalghan, hetta yene türlük yoshurun xewplerge duch kelgen. Téxi yéqinda u öyi etrapidiki yolda kétiwétip mügdep qélip, ikki saetche héchnémini sezmey "tün seylisi" qilghan. Gerche axirida öyige xatirjem yétip kelgen bolsimu uning ailisidikiler qattiq chöchüp ketken, hetta uni yütüp kettimikin dep qarap, saqchigha délo melum qilghan.

hazir klasson édinborg xan jemeti balilar doxturxanisida alahide dora bilen dawaliniwatidu, yiligha dora heqqi üchün 13 ming fondstérling chiqim qiliwatidu, klasson ailisidikiler eng köp bolghanda 120 ming fondéstérling tölem puli élishni kütmekte. Klasson mundaq dédi, "méning hazirqi dawalashqa pütünley ishenchim bar, gerche toluq saqiyip kételmisemmu biraq héchbolmighanda normalraq turmush kechüreleymen".