باش بەت>>غەلىتە ئىشلار
دۇنيادىكى ئون چوڭ ئاجايىپ ھايۋانات كۆزى
مەنبەسى:نۇر تورى |تەھرىر:زۆھرە مۇختەر | يوللانغان ۋاقىت:2014-04-02 14:52:29

1.سىياھبېلىقنىڭ W شەكىلدىكى كۆز قارىچۇقى

 

 

سىياھبېلىق بولسا ھايۋاناتلار دۇنياسىدا كۆزى ئەڭ تەرەققىي قىلغان ھايۋاندۇر. ئۇنىڭ كۆز قارىچۇقى غەلىتە W شەكىلدە بولۇپ رەڭ پەرق ئېتەلمەيدۇ، لېكىن نۇرنىڭ پوليارىزاتسىيسىنى كۆرەلەيدۇ، قاراڭغۇ، غۇۋا شارائىتتىمۇ روشەن پەرقلەرنى سېزەلەيدۇ. ئادەملەر كۆزىدىكى كرىستال تەنچىنىڭ شەكلىنى ئۆزگەرتىش ئارقىلىق ياخشى بولغان فوكۇس ئارىلىقىغا تەڭلىشەلەيدىغان بولۇپ، سىياھبېلىق بولسا پۈتۈن كۆزىنىڭ شەكلىنى ئۆزگەرتەلەيدىكەن. بۇلاردىن باشقا سىياھبېلىق ئىچكى سېنزورى ئارقىلىق تەڭ ۋاقىتتا ئۆز بەدىنىنىڭ ئالدى ۋە ئارقىسىدىكى نەرسىلەرنى كۆزىتەلەيدىكەن.

2.ئېسكىموس ئىتىنىڭ كۆزى

 

 

بۇ خىل ئىتنىڭ ئادەمنىڭ قورققۇسى كەلگۈدەك رەھىمسىز ۋە ئۆتكۈر كۆزلىرى، ئادەمزات ئاياغ باسمىغان كەڭ يايلاقلاردا ياشىشى ئۈچۈن كەم بولسا بولمايدۇ. ئۇلارنىڭ كۆزى ئۆرۈك مېغىزى شەكلىدە بولۇپ، ئىككى كۆز ئارىلىقى دەل جايىدا ھەمدە ئازراق يانتۇ، ئادەتتە رەڭگى مۇز كۆك، قېنىق كۆك، قوڭۇر ياكى كەھرىۋا رەڭدە. بەزى ئىتلارنىڭ بىر كۆزى قوڭۇر رەڭ يەنە بىر كۆزى كۆك رەڭ ياكى كىشىنىڭ دىققىتىنى تارتىدىغان ئوخشىمىغان رەڭنىڭ بىرىكمىسى بولىدۇ.

3.يېشىل پاقىنىڭ كۆزى

 

 

يېشىل پاقا ئۇنىڭ پۇلتايغان چوڭ كۆزى بىلەن داڭلىق، لېكىن نېمە ئۈچۈن يېشىل پاقىنىڭ كۆزىنىڭ پۇلتايغان ھالەتتە ئىكەنلىكىنى ئىنتايىن ئاز كىشىلەر بىلىدۇ. سۇ ئاستىدىكى ۋاقىتتا ئۇلار كۆزىنى پۇلتايغان ھالەتكە ئەكېلىدۇ، مۇشۇنداق قىلغاندا سۇ يۈزىدىكى شەپىنى بايقىيالايدۇ. كۆزىنى يۇمغان ۋاقىتتا ئۇلار كۆزىنى ئىچىگە يىغىۋالىدۇ ۋە ئۈستىدىكى سۈزۈك ئەمەس كۆز قاپىقى ۋە ئىككى دانە يېرىم سۈزۈك نېپىز پەردىدىن تۈزۈلگەن كۆز قاپىقى بىلەن كۆزىنى ئېتىۋالىدۇ.

4.ئۆچكىنىڭ كۆزى

 

 

ئۆچكىنىڭ چاسا شەكىلدىكى كۆز قارىچۇقى نۇرغۇن دىققەتلەرنى تارتتى، لېكىن بۇنداق بولىشى ئۇلارنىڭ كۆركەم بولىشى ئۈچۈن ئەمەستۇر. كۆز قارىچۇقىنىڭ كەڭ بولىشى ئۆچكىنى 330 گرادۇسلۇق كۆرۈش دائىرىسىگە ئىگە قىلىدۇ، بۇنىڭ بىلەن سېلىشتۇرغاندا ئادەملەرنىڭ پەقەت 185 گىرادۇس كۆرۈش دائىرىسى بولىدۇ.

5.كېپىنەكنىڭ كۆزى

 

 

نۇرغۇنلىغان ھاشاراتلارغا ئوخشاش كېپىنەكنىڭمۇ بىر جۈپ مۇرەككەپ كۆزى بار بولۇپ، بۇ خىل كۆز نەچچە يۈز دانە ئىنتايىن كىچىك بولغان ئالتە تەرەپلىك كرىستال تەنچىدىن تۈزۈلگەن، شۇڭا ئۇلار بىر ۋاقىتتا ھەممە يۆنىلىشنى كۆرەلەيدۇ. گەرچە بۇ خىل كۆرۈش سېزىمى ئىنچىكىلەپ فوكۇسلىيالمىسىمۇ، ئەمما كېپىنەك ئۇلترا بىنەپشە نۇرنى كۆرەلەيدىغان بولۇپ، بۇ خىل نۇرنى ئادەم كۆزى كۆرەلمەيدۇ. بۇ خىل ئالاھىدىلىك ئۇلارنىڭ مەززىلىك گۈل شىرنىسىنى تېپىشىغا چوڭ ياردەم قىلىدىكەن.

6.خامېلېئوننىڭ كۆزى

 

 

خامېلېئوننىڭ كۆزى ھەممىدىن ئالاھىدە بولۇپ ئۇنىڭ ئۈستى ۋە ئاستى قاپىقى بولمايدۇ، لېكىن بىر كونۇسسىمان تۈزۈلمە بولۇپ ئۇنىڭدا بىر كىچىك ئېغىزچە بار، ھەمدە چوڭ كىچىكلىكى دەل ئۇنىڭ كۆز قارىچۇقىنى پاتقۇزالايدىكەن. ھەربىر كونۇسسىمان تۈزۈلمە ئۆز ئالدىغا ئەركىن ئايلىنالايدۇ، شۇڭا خامېلېئون ئەمەلىيەتتە بىر ۋاقىتتا ئوخشىمىغان يۆنىلىشتىكى ئوخشىمىغان ئايرىم نەرسىلەرنى كۆرەلەيدىكەن. بۇ خىل كۆرۈش ئىقتىدارى ئۇلارنىڭ ئۇچۇپ كېتىپ بارغان ھاشاراتلارنى تۇتۇشقا ماھىر بولىشىغا سەۋەبچى بولغان.

7.بېگېموتنىڭ كۆزى

 

 

بېگموت سۇ ئاستىدىمۇ نەرسىلەرنى كۆرەلەيدۇ، ھەمدە ئېنىقلىق دەرىجىسىنىڭ يۇقىرىلىقى ئادەمنى چۆچۈتىدىغان بولۇپ، ئۇنىڭ ئادەمنى ھەقىقى قىزىقتۇرىدىغان يېرى بولسا بېگېموتنىڭ كۆزىدە بىر قەۋەت يېرىم سۈزۈك پەردە بولۇپ، كۆزنى ئاسراش رولىنى ئويناپ، كۆزىنىڭ سۇ ئاستىدىكى ئۇششاق پارچىلارنىڭ زەخمە يەتكۈزۈشىدىن ساقلايدىكەن.

8.تىمساھنىڭ كۆزى

 

 

تىمساھ بولسا ئۇزۇن تارىخقا ئىگە ھايۋان، ئۇلار يەنە «تىرىك تاشقاتما» دەپمۇ ئاتىلىدۇ. شۇنداق بولسىمۇ تىمساھنىڭ يەنىلا تەرەققىياتى ئەڭ يۇقىرى بولغان كۆزى بار. تىمساھ كۆزىنىڭ ئورنى ئىنتايىن ئالاھىدە بولۇپ، پۈتۈن باش قىسمى سۇ ئاستىدا بولسىمۇ ئۇنىڭ كۆزى سۇ ئۈستىدە تۇرالايدۇ. بۇ خىل ھايۋاننىڭ كۆزى ناھايىتى ياخشى بولغان كېچىدە كۆرۈش ئىقتىدارىغا ئىگە، چۈنكى كۆزىنىڭ ئارقىسىدا ئەينەككە ئوخشايدىغان بىر خىل تۈزۈلمە بار بولۇپ، كۆزنىڭ چېچىلىپ كەتكەن نۇرنى يىغىۋېلىشىغا ياردىمى بار ئىكەن.

9.تام پاتمىچۇقىنىڭ كۆزى

 

 

كېچىدە ھەركەت قىلىشنى ياخشى كۆرىدىغان تام پاتمىچۇقى كۈندۈزدە چوقۇم كۈچلۈك قۇياش نۇرىنى توسالىشى، كېچىدە قالتىس كۆرۈش قۇۋىتىگە ئىگە بولىشى كېرەك، بۇمۇ ئۇنىڭ ئۇزۇن 之 شەكىللىك كۆز قارىچۇقى بولىشىنىڭ سەۋەبدۇر. بۇ خىل كۆز قارىچۇقى يىغىلىش ئارقىلىق پەقەت ئاز بىر قىسىم نۇرنى كۆز ئىچىگە كىرگۈزىدۇ. قىزىقارلىقى شۇكى، ئادەملەر قاراڭغۇ ئاي نۇرىدا رەڭنى پەرق ئېتەلمەيدۇ، تام پاتمىچۇقى بولسا ئېنىق كۆرەلەيدۇ. رەڭ تونۇش جەھەتتە، تام پاتمىچۇقى ئادەمگە قارىغاندا 350 ھەسسە ئېشىپ چۈشىدىكەن.

10.مۈشۈكياپىلاقنىڭ كۆزى

 

 

نۇرغۇنلىغان گۆشخور ھايۋانلارغا ئوخشاش مۈشۈكياپىلاقنىڭ كۆزىمۇ يۈزىنىڭ ئالدى تەرىپىگە جايلاشقان، بۇ ئۇلارنى ئوۋ ئوۋلاش ۋاقتىدا كارامەت ياخشى بولغان چوڭقۇرلۇق سەزگۈسىگە ئىگە قىلىدۇ، بولۇپمۇ يورۇقلۇق ئاجىز ۋاقىتتا. قىزىقارلىق يېرى شۇكى، بۇ چوڭ كۆزلەر مۈشۈكياپىلاقنىڭ كۆز ئۇۋىسىغا مۇقىملاشقان بولۇپ پۈتۈنلەي ھەركەتلەندۈرەلمەيدۇ. بۇ مۈشۈكياپىلاقنىڭ توختىماي بېشىنى ئۇياق بۇياققا ئايلاندۇرىشىنىڭ سەۋەبىدۇر.

ئالدىنقىسى
كېيىنكىسى
مۇناسىۋەتلىك خەۋەرلەر
يەنە قىزىق نۇقتا
يەنە ئاۋات سۈرەتلىك خەۋەرلەر
يەنە تەنتەربىيە
يەنە پەن-تېخنىكا
يەنە غەلىتە ئىشلار
يەنە كوچا پاراڭلىرى
يەنە ساغلاملىق