bu yil 48yashqa kirgen bir dada öydin ayrilish aldida emdila 11yashqa kirgen qizi bilen on yashqa kirgen oghlini öyde yalghuz qoyup qoyghan hem ularning qorsiqi achsa tamaq élip yéyishi üchün on yüen pulmu qoyup qoyghan. Bu qizning muxbirgha déyishiche, inisi bilen ikkisi üch kün ach qorsaq yürgendin kéyin axiri sinip mesuli teripidin qutquzuwélinghan. Nöwette bu ikki balining dadisi bilen alaqilashqili bolmighan. Mana bu öz balilirini xorlash weqesi aldinqi hepte shénjin shehiri bawen rayoni shiyen kochisida yüz bergen idi. Bawen saqchilirining 5-ayning 26-küni ashkarlighan xewiride déyilishiche, saqchilar mexsus délo guruppisi teshkillep bu erni izdeshke bashlighan.

téléfunni alghan kishining jawabi:akam yoqap ketti

guangjuda xizmet qilidighan gu ependi aldinqi heptining 6-küni bawen rayonluq shiyen saqchixanisigha téléfun qilip akisi bilen alaqilishalmaywatqanliqini, tuyuqsiz yoqap ketkenlikini, akisining ikki balisi öyide yalghuz qalghanliqini éytip saqchilardin yadem sorighan idi. 5-ayning 26-küni chüshtin burun bawen rayoni shiyen kochisi shinshin kenti 26-nomurluq qorudiki bir déhqanning öyide gu ependi saqchilargha özining yurtining méyjuda ikenlikini, akisining bu yil 48yashqa kirgenlikini, 20yilning aldida shénjin shehiri shiyen rayonigha kélip ishlemchilik qilghanliqini, akisining ikki balisi barliqini, qizi bu yil 11yashqa kirgen bolup, oghli on yashqa kirgenlikini, akisining adette bek aldirash ikenlikini, yenggisining qimargha düm chüshken xotun ikenlikini, adette baliliri bilen kari bolmaydighanliqini, shunga akisi bilen yenggisining daim urushidighanliqini, balilar kichik waqtida yenggsiining balilarni we öyni tashlap chiqip ketkenlikini, shuningdin buyan akisining yalghuz balilirining halidin xewer éliwatqanliqini, adette öy zinnetlesh kespi bilen shughullinidighan akisining balilarni xizmet ornigha élip baralmaydighanliqini shunga daim mushundaq yalghuz qoyup qoyidighanliqini, biraq bu qétim bek sirliq halda yoqap ketkenlikini, balilirigha guangjudiki hammisining qatnash weqesige yoluqqanliqini, hammisini körgili baridighanliqini éytip chiqip ketkenlikini, biraq guangjudiki hammisining saq-salamet ikenlikini éytip berdi.

gu famililikning singlisimu akisining néme üchün bundaq tuyuqsizla yoqap ketkenlikining sewebini bilelmey qaldi. Eger balilarning oqutquchisi bu balilarni izdimigen bolsa belkim ikki bala öyide achliqta ölüp qalghan bolishi mumkin idi. Bir dada néme üchün öz balilirini bundaq rehimsizlerche tashliwétip qéchip kétidu?

5-ayning 26-küni, jenubi sheher géziti muxbiri köp qétim gu famililikning téléfunigha köp qétim téléfun qilghan bolsimu biraq qarshi terepning téléfuni izchil étik halette idi. Qoshnilirining tonushturishiche, gu famililik ijarige alghan öy bir yataq bir méhmanxanidin tüzülgen kichik öy bolup, ayliq ijare heqqi 600yüen idi. Uninggha su-tok pullirini qoshqanda bir adem pul tapidighan ailige nisbeten heqiqeten qiyin idi. Méhmanxanigha bir karwat qoyup qoyulghan bolup, qizi mushu karwatta uxlaytti, yene bir yataq öyde inisi bilen dadisi uxlaytti.

bu qizning déyishiche inisi bilen ikkisi tamaq yémigili üch kün bolghan

gu famililikning qiz bu yil 11yashqa kirgen bolup wéymin bashlanghuch mektipining 4-yilliqida oquytti, oghli bu yil on yashqa kirgen bolup, qizining déyishiche, 5-ayning 18-küni kechte, dadisi tuyuqsizla inisi bilen ikkisige guangjudiki hammisining qatnash weqesige uchirighanliqini, ehwalining tolimu xeterlik ikenlikini, shunga özi choqum guangjugha bérip hammisini körüp kélishi kéreklikini éytqan. Inisi dadisining sirtqa chiqidighanliqini anglapla yighlighan, shuning bilen dadisi oghlini baghrigha bésip turup özining pat arida qaytip kélidighanliqini, hergiz qoruqmasliqini éytqan, hetta méngish aldida bu qizning qoligha on yüen pulni tutquzup qorsiqi achsa sirtqa chiqip bir nerse élip yéyishni éytqan. Bu dadisining tunji qétim özlirini tashlap qoyup sirtqa chiqishi iken.

gu famililik bu qizning déyishiche, dadisi kétip 2-küni inisining qorsiqi bek échip ketken bolghachqa ikkisi peste chüshüp köktat élip chiqqan, u ezeldin tamaq étip baqmighan, burun dadisi tamaq etkende azraq yardemliship bergen waqitta öginiwalghini boyiche inisigha tamaq étip bergen. Shu küni chüshte özi etken tamaqni yigen, kechte éship qalghan tamaqni azraqtin böliship yigen, etisidin bashlap üch kün héchnerse yimigen.

saqchilar u qizdin néme üchün mektepke bérip ehwalni inkas qilmighanliqini sorighanda, bu qiz dadisigha awarichiliq tépip bérishtin qoruqqanliqni, mektepke bérip dése choqum nurghun kishi özlirining ailisidiki ishlarni bilip qalidu hem dadisini izdeshke adem ewetidu.

saqchilar sinip mesulining éytip bergini boyiche bu gu famililikni izdeshke bashlighan bolup, ikki balini tughqanlirigha tapshurup bergen.