Bash bet>>Ghelite ishlar
Ereblerde sediqe medeniyiti: sediqe tilesh nomus emes
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-08-04

 

ereb döletliride uzun yil ishligenliktin, "yer shari waqti" géziti muxbiri ereb döletliridiki tilemchilerni köp körgen, bularning ichide özi salapetlik, ashqan-tashqan yémekliklerni yémeydighan "ésil tilemchiler" we kiyinishi retlik, anda –sanda tileydighan "ishtin sirtqi" tilemchilermu az emes. Bu tilemchilerning turmushi ereblerning saxawetke xushtar ikenlikini eks ettürüp turuptu, buning arqisida bolsa ereb dunyasidiki özgiche sediqe medeniyitidur.

"salapetlik tilemchi"ler

déngiz qoltuqidiki néfit bilen béyighan döletlerdin bashqa ereb döletlirining iqtisadi tereqqiy qilmighan halette bolup, xelqning turmushi anche bayashat emes, kochilarda tilemchiler qedemde bir dégüdek uchrap turidu. Emma bu tilemchilerning köpinchisi rohluq, salapetlik bolup, turqida kembeghellik we ach –zarliqtin eser yoq. Ularning kiyinishi retlik, gep –sözliri jayida. Naxsha arqiliq sediqe bergüchilerni jelp qilmaydu we özining jismaniy kemtüklükini körsitish arqiliq bashqilarning hésdashliqini qozghashni oylashmaydu. Bashqilar pul bergende, dua we yaxshi tilekliri bilen sediqe bergüchilerning saxawitige rehmet éytidu. Sayahetchilerni qoghliship, qorshiwélip tileydighan dölitimiz tilemchilirige sélishturghanda, bularni salapetlik tilemchi déyishke tamamen bolidu.

muxbirimiz turushluq yerde mushundaq salapetlik tilemchidin biri bar, uning tilemchilik eswabliri addiyla: olturidighan bir parche gilem, bir dane teswi we aldigha qoyidighan bir dane alyumin qacha. Her seher, bir kiyim –kéchek dukinining aldigha kélip jaylashqandin kéyin, közini yumup ayet oqushqa bashlaydu. Hérip qalsa, közini échip kochidin ötkenlerge qarap harduq chiqiridu, charchisa, shu jayidila kichikkine mügidiwalidu. Uning kiyinishi jayida bolup, kishige yaqmaydighan qiliqi yoq, dukangha kirgen kishilerning köpchiliki uninggha salam qilip ötidu, hetta beziliri olturup uning bilen uzundin –uzungha mungdiship kétishidu. Hetta dukan xojidarimu oni qoghlimaydu, hetta yamghur yaghqan künliri bu kishige künlük epchiqip béridu. Deslepte, men bu tilemchini hörmetke sazawer sheyx oxshaydu dep qalghan ikenmen, kéyinche bayqisam bu kishi adettiki bir tilemchi iken.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene