Bash bet>>Ghelite ishlar
Ürümchide bir mest mehelle kadirini yarilandurup jazalandi
Tehrir:Mehliya ibrahim     Menbesi:Junggo uyghurche radiyo tori     Yollan'ghan waqit: 2014-08-28

 

 

 

 

27- awghust, ürümchi shehiri saybagh rayonluq sot mehkimisi mehelle kadiri shyang xungjining adalet yolida pidakarliq körsitip, bedinige alte pichaq sanjilish délosigha sot échip, jawabkar sün famililikni qesten adem zexmilendürüsh jinayiti bilen muddetlik ikki yil alte ayliq qamaq jazasigha höküm qildi.

2014- yili 3- ayning 7- küni kechte, ürümchi shehiri saybagh rayoni qizil butxana kocha ish béjirish bashqarmisi chünshi kochisi mehellisining kadiri shyang xungji 19 neper xadimni bashlap, köchme nopuslarni merkezlik tizimlawatqanda, sün famililik bir er haraq ichip jédel chiqarghan, shyang xungji neq meydandiki ammining bixeterlikini qoghdash üchün aldigha chiqip uni tosqanda, mest er uning béshi we yüz qismigha keyni- keynidin alte pichaq tiqiwetken. Weqe yüz bergendin kéyin, shu jaydiki saqchixana saqchiliri shu küni kechtila sün famililik jinayet gumandarini tutqan. 3- ayning 8- küni, sün famililik qesten adem zexmilendürüsh jinayiti bilen ürümchi sheherlik jamaet xewpsizliki idarisi saybagh rayonluq shöbe idarisi teripidin jinayi ishlar boyiche toxtitip qoyulghan; Shu yili 3- ayning 20- küni, ürümchi shehiri saybagh rayonluq xelq teptish mehkimisi sün famililikni qesten adem zexmilendürüsh jinayiti bilen qolgha élishni testiqlighan, shu küni ürümchi sheherlik jamaet xewpsizliki idarisi saybagh rayonluq shöbe idarisi qolgha élishni ijra qilghan. 2014- yili 7- ayning 22- küni, ürümchi shehiri saybagh rayonluq xelq teptish mehkimisi mezkur délo boyiche erz sunghan.

2014- yili 3- ayning 12- küni, ürümchi sheherlik adalet yolida pidakarliq körsitish fondi tekshürüp éniqlighandin kéyin, shyang xungjining herikitini "adalet yolida pidakarliq körsitish" herikiti dep békitken.

muxbirning igilishiche, shyang xungji ishligen bu mehellide shexsler özliri séliwalghan öy bir qeder köp, jemiy 106 yürüsh öy bar iken, 2700 aililiktin artuq ijare öy bar iken.

 

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene