Bash bet>>Ghelite ishlar
Alma yanfoni hayankeshliri ziyan tartishqa bashlidi
Tehrir:Mehliya ibrahim     Menbesi:Junggo uyghurche radiyo tori     Yollan'ghan waqit: 2014-09-23

 

 

 

alma shirkitining yéngidin bazargha sélinghan iPhone 6 yanfoni junggo chong quruqluqida téxi sétilmighan bolghachqa, chong quruqluqtiki nurghunlighan yanfon hayankeshliri shiyanggang, amérika, yaponiye we awistiraliye qatarliq jaylargha bérip iPhone 6 yanfoni sétiwélip kélip zor paydisigha sétishni bashlighanidi. Bu yanfonlarning junggo chong quruqluqidiki sétilish bahasi 19-chésla künining keynidiki ikki kün ichide hetta 20 ming yüenge yetkenidi.

lékin alma iPhone 6 yanfonining mal teminlesh miqdari yéterlik, yanfon ishlepchiqirilish miqdari yuqiri bolghanliqi üchün, yéqinqi bir nechche kündin béri alma iPhone 6 yanfonining junggodiki sétilish bahasida töwenlesh körülüp, bu yanfonning bahasida chüshtin burun bir xil baha, chüshtin kéyin bir xil baha körülüshtek muqimsizliq körülgen. Igellinilishiche, tünügün béyjing jungguensunde 16G liq nusxidiki alma iPhone 6 yanfonining sétilish bahasi 7200 yüenge chüshüp qalghan bolup, 16G liq nusxidiki alma iPhone 6 Plus yanfonining sétilish bahasi 11 ming yüen etrapigha chüshti.
shiyanggang qatarliq jaylarda bu yanfonlarning bahasi téximu töwenlidi.

melum mikro bilogda élan qilinghan uchurlardin qarighanda, ‹ alma iPhone 6 yanfonining ishlepchiqirilish miqdari heddidin éship ketkenliki, teminleshning éhtiyajdin éship kétishi bilen shénjin we shiyanggangdiki yanfon hayankeshlirining hemmisi dégüdek éghir ziyan tartip, weyran bolghanliqini éytqanidi.

mikrobilogda ashkarilanghan bu kesme resimlerdin qarighanda, melum yanfon hayankesh sodigiri 24 tal ayfon yanfonidin 120 ming yüen ziyan tartqan bolup, u üch kün ichide 500 ming yüen ziyan tartqan.


Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene