Bash bet>>Ghelite ishlar
41 künde bir qétim tére tashlaydighan "qasraqliq bala"
Tehrir:Mehliya ibrahim     Menbesi:Junggo uyghurche radiyo tori     Yollan'ghan waqit: 2014-09-26

 

 

 

engiliye "kündilik pochta géziti" ning 24 – séntebir xewer qilishiche, hindonéziyelik yash ari wibowo tughma bir xil tére késili bar bolup, uning térisi bara-bara qattiq bolup, her 41 künde bir qétim tére tashlaydiken, shunga bu baligha "qasraqliq bala" dep leqem qoyulghan. U künde issiq sugha chilinip, yaki sütsiman suyuqluq sürtüp térisining nemlikini saqlaydiken, undaq qilmisa térisi téximu qattiqliship hayatidin ayrilip qélish xewpige duch kélidiken.

tughulghan waqtidin bashlapla ari gha doxtur nahayiti az körülidighan "qizil adem késelliki" dep diagnoz qoyghan. Bu xil késellik bir xil sezgür xaraktiridiki, tére qattiqliship, kipek tökülidighan bir xil késellik. Arining ailisining iqtisadi ehwali taza yaxshi bolmighachqa, tughulghan waqtidila doxturmu héch ilaj qilalmighan, kéyin uni dawalashni ret qilghan.

fotograf lubis arining ehwalidin waqiblanghandin kéyin uni süret témisi qilip, arining qasraq tére bilen qandaq jeng qiliwatqanliqini xatirileshni qarar qilghan. Lubis mundaq dédi: "u heqiqeten bek biaram bolidiken, u künde éigüdek térisining qattiqlishi kétishidin ensireydiken, nawada u toxtap qalidighan bolsa, térisining qattiqlishish mesilisi téximu éghirlap, bedinimu xuddi heykeldek qétip kétishi hetta ölüm girdabigha bérip qélishi mumkin iken".

xewerge qarighanda, térisining qattiqliship kétish mesilisini yaxshilash üchün, ari künde her saette bir qétim issiq sugha chilinidiken, her üch saette bir qétim sütsiman suyuqluqlarni sürtüp térisining nemlikini saqlaydiken, shundaq qilghan teqdirdimu uning ehwalida körinerlik özgirish bolmighan, tére mesilisi uning ong közining körüsh quwwitige tesir körsetken, söz qilishighimu tesir körsetken. Shu yerlik puqralar bu xil késellikning yuqup qélishidin ensirigechke héchqandaq mektep uni oqushqa almighan. Lubis mundaq dédi: "u yerdiki kishiler bekla xurapiy, ular arining qarghishqa ketkenlikige bekrek ishinidu, emeliyette ari bek obdan bala, uning mushundaq bir xil késelge muptila bolup qélishi ademning heqiqeten ichini aghritidu. "


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene