Bash bet>>Ghelite ishlar
Monako xan sariyini haqaret qilghan tunisliq er üch ayliq qamaldi
Tehrir:Mehliya ibrahim     Menbesi:Junggo uyghurche radiyo tori     Yollan'ghan waqit: 2014-09-26

 

 

 

fransiye téléwiziye axbarat tor békiti “francetvinfo.fr”ning 24 – séntebir fransiye axbarat agéntliqi xewirini neqil keltürüp xewer qilishiche, 28 yashliq bir tunisliq er monako shahzadisi we xan sariyini ochuq ashkara halda haqaret qilghanliqi üchün, üch ayliq qamalghan.

xewerde mundaq déyildi, monakoda, xan sariyini haqaret qilghuchilar éghir bedel töleydu, 28 yashliq bir tunisliq er bu nuqtini ispatlidi. Monako shu jay waqti 9 – ayning 23 – küni, monako edliye tarmaqliri bu erni üch ayliq qamaqqa solash toghrisida höküm chiqardi. Bu jaza teptish orginining telipidin bekla éship ketti, yeni teptish mehkimisi eslide sekkiz kün qamap, 1000 yawro (texminen 7833 yüen xelq puli) jerimane qoyushni telep qilghan idi.

xewerge qarighanda, bu ishqa chétishliq er aldinqi heptide sot mehkimisi binasigha bérip, ish üstide zexmlinishke dair alaqidar mulazimet bar yoqluqini sorighan. Eyibleshnamidiki mezmungha asaslanghanda, bu er bir ish béjirgüchini körüp, uni tillap uninggha tehdit salghan. Bundin bashqa, u xizmetchi xadimlarning tosushigha perwa qilmay monako shahzadisi we xan sariyidikilerni dawamliq haqaret qilghan. Bir xizmetchi xadim shu haman saqchigha délo melum qilghan, kéyin bu er qolgha élinghan. Bu ishqa chétishliq er xanni we xan sariyidikilerni ochuq ashkara haqaret qilghanliqi üchün eyiblengen. Igilinishiche, bu er fransiye nista turushluq bolup, burun fransiyede bir nechche qétim sot qilinghan iken.

xewerde yene mundaq dep körsitildi, 9 – ayning 23 – künidiki sotta, bu ishqa chétishliq er pakitni bayan qilip özini aqlighan. U buni bir "uqushmasliq" dégen, hemde shahzadini haqaret qilmighanliqigha kapaletlik qilidighanliqini éytqan. Biraq sot mehkimisi uning bu geplirini ilik almighan.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene