Bash bet>>Ghelite ishlar
Libiriyidiki ébola wirusidin yuqumlinip ölgen ikki ayal tuyuqsiz tirilip qaldi
Tehrir:Mehliya ibrahim     Menbesi:Junggo uyghurche radiyo tori     Yollan'ghan waqit: 2014-09-28

 

 

 

engiliye ‹ eynek› gézitining 9-ayning 25-küni xewer qilishiche, yéqinda libiriyidiki ébola wirusi bilen yuqumlanghandin kéyin ölgen dep diagnoz qoyulghan ikki ayal tuyuqsizla ornidin turup kochida méngip ketken bolup, bu ish shu yerdiki puqralar arisida ghayet zor wehime peyda qilghan.

xewer qilinishiche, ‹tirilip qalghan› bu ikki ayal ayrim-ayrim halda 40 yash we 60 yash etrapida bolup, ikkilisi libiriyining ningba nahiyisidin iken. Buning ichidiki birsige héchqandaq yémeklik bérilmigen shundaqla dawalash tedbiri qollinilmighan ehwal astida ikki kün ayriwétilgendin kéyin andin ölgen dep diagnoz qoyulghanken, bu ikki ‹ jeset› del jeset kömüsh ornigha élip méngilghan yolda qayta ‹ tirilip qalghan› bolup, hazir ular ikkisi kochilarda méngip yürüshke bashlighan. Hazir shu jaydiki puqralar qattiq wehimide qalghan bolup, bu shu jayda tunji qétim ‹jesetning tirilip qélishi› bolup hésablinidiken.

nöwette gherbiy afriqidiki besh dölette ébola wirusidin yuqumlinip ölgenlerning sani 2800 din ashqan bolup, bu xil wirus bilen yuqumlanghuchilarning sani 5800 din ashqan. Amérika késelliklerning aldini élip kontrol qilish merkizining perez qilishiche, 2015-yili 1-aygha barghuche, ébola wirusi bilen yuqumlinip ölgüchilerning sani bir milyon 400 ming ademge yétishi mumkin iken. Nöwette bu wirusning kontirol qilinish ehwali yenila dégendek yaxshi emes.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene