Bash bet>>Ghelite ishlar
Seudiliq yigit toy küni ajrishishni telep qildi
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-11-18

 

chetel taratqusining xewirige qarighanda yéqinda seudiliq toyi bolghan bir yigit toy künila özining ayalidin ajrishishni telep qilghan. Eslide fotograf bu yéngi toy qilghan qiz-yigitni süretke tartmaqchi bolghanda, yigit kélinchekning chirayini tunji qétim körüpla narazi bolghan iken.

seudi erebistanning gherbiy qismigha jaylashqan medinidiki bir kichik bazardin kelgen bu yéngi toy qilghan qiz-yigit özara yüz körüshmigen ehwalda toy qilishqa qoshulghan, bu bir xil bezibir ottura sherq döletliridiki eneniwi adet. Lékin kélinchek özining chümbilini éliwétip éri bilen tunji qétim süretke chüshmekchi bolup foto apparatigha külümsirep qarighan waqitta toyi boliwatqan yigit téxi bashlanmighan bu nikahdin bizar bolghan.

toyi bolghan yigit sorundiki barliq kishiler aldida mundaq dégen: "siz méning tesewwurumdikige oxshimaydikensiz, méni kechürüng lékin men choqum siz bilen ajriship kétimen." shu yerdiki taratqularning xewiride éytilishiche, kélinchek bu shum xewerni anglighandin kéyin pütünley tügiship qattiq yighlap ketken. Sorundiki méhmanlarmu bu xil ehwaldin chöchüp kétip ikkiylenni qaytidin epleshtürüp qoymaqchi bolghan bolsimu lékin tirishchanliqlar ünüm bermigen. Xewerde mundaq déyilgen: "toyi bolghan yigit toyi bolushtin ilgiri kélinchekning chirayini körüp baqmighanliqini éytti, yigit ajrishishni otturigha qoyghandin kéyin kélinchek éghir zerbige uchridi, toy shu haman azabliq kéchige aylandi." bu ishtin kéyin nurghun ijtimaiy alaqe taratquliri bu yigitni tenqid qilip uning qilmishi "mesuliyetsizlik", "u peqet chirayighila qarimay ichki güzellikke ehmiyet bérishni bilishi kérek" dégen.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene