Bash bet>>Ghelite ishlar
Söyüshüsh waqti 10 sékontqa yetkende, 80 milyon dane baktériye tarqilidiken
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-11-23

 

yéqinda, Microbiome namliq xeliqaragha dangliq bir zhornalda élan qilinghan bir parche tetqiqat maqaliside körsitilishiche, gollandiye qollinishchan penler akadémiyisi qatarliq orunlardiki tetqiqatchilarning bayqishiche, ademler söyüshkende, 10 sékont ichide ikki terepning éghiz boshluqidin texminen 80 milyon dane baktériye tarqilidiken, muhebbetlishiwatqan bir jüpler bir künde az digende toqquz qétim söyüshidiken, shuning üchün, muhebbetlishiwatqanlarning éghiz boshluqidiki baktériye topini oxshash diyishke bolidiken.

ademning bedinide yashaydighan mikrojanliqlarning sani 100 tirilyon (100 ming milyard) din ashidighan bolup, bu mikrojanliqlar guruppisi adem bedinide bir mikro ikologiye sistémisi shekillendüridiken, bu ikologiye sistémisi adem bedinining yémekliklerni hezim qilish, ozuqluq maddilarni séntizlesh we késelliklerge taqabil turush iqtidarini hazirlishida intayin zörür iken. Organézimdiki mikrojanliqlar guruppisi adette yene érsiyet qurulmisi, yémeklik aditi we yash cheklimisi qatarliq amillarning tesirige uchrap turidiken, ademning éghiz boshluqida 700 xildin artuq herxil türdiki baktériyeler yashaydighan bolup, éghiz boshluqidiki bu mikrojanliqlar adette yiqin kishilirining (mesilen jüpti digendek) ning tesirigimu uchraydiken.

maqalide diyilishiche, Remco Kort isimlik bir tetqiqatchi 21 jüp er-ayal üstide tekshürüsh élip barghan bolup, aldi bu kishilerning otturiche söyüshüsh qétim sani qatarliq uchurlarni igelligen, andin ularning éghiz boshluqidin ewrishke alghan, axirida shölgey suyuqluqidiki mikrojanliqlar guruppisining qurulmisini éniqlap chiqqan. Netijide melum bolushiche, er-ayallarning söyüshüsh qétim sani yuqiri bolghanda, ularning shölgey suyuqluqidiki mikrojanliqlarning türi yuqiri derijide oxshashliqqa ige bolidiken, undin bashqa, eger bir kün ichidiki söyüshüsh qétim sani az digende toqquzgha yetse, undaqta ularning éghiz boshluqidiki mikrojanliqlarning türi pütünley oxshash bolidiken.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene