Bash bet>>Ghelite ishlar
Anisini "güzel" deydighan yaponiyelik qizlar bir ülüshkimu yetmeydiken
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-11-27

 

anisini "güzel" deydighan yaponiyelik qizlar bir ülüshkimu yetmeydiken

yaponiye "kündilik xewerler" gézitining 25-noyabir xewer qilishiche, dangliq girim buyumliri shirkiti yeni aynatural shirkiti yéqinda yaponiye, amérika, fransiye, jenubiy afriqa qatarliq töt elde "anam güzel" témiliq xelqara tekshürüsh élip barghan, tekshürüsh netijiside körsitilishiche, öz anisini "güzel" deydighan yaponiyelik qizlar bir ülüshkimu yetmigen. Ularning mushu töt dölet ichide igiligen nisbiti eng töwen bolghan; Anisining güzellikige qarita nomur urush jehette töwen nomurni köprek urghanlarmu yenila yaponiyelik qizlar iken.

xewerge qarighanda, bu tekshürüsh yuqirida bayan qilinghan töt dölettiki 10 yashtin 20 yashqiche bolghan jemiy 415 neper qiz bala arisida élip bérilgen, her bir dölettiki qizlarning sani 103 – 105 kéche békitilgen. Tekshürüsh netijisi mundaq chiqqan, "anam nahayiti güzel" deydighan qizlar yaponiyede 9.5%, fransiyede 37.9%, amérikida 58.3%, jenubiy afriqida 64.4% bolghan. Démek yaponiye qizlirining "anam güzel" ge qarita qoyghan telipi nahayiti yuqiri bolup, 1 – orunda turudighan jenubiy afriqa bilen sélishturghanda, 50 nechche pirsent point, 2 – orunda turudighan fransiye bilen sélishturghanda 30 nechche pirsent point töwen turghan.

anisining güzellikige qarita nechche nomur qoyidighanliqi soralghanda, yenila jenubiy afriqa 1 – orunda, yaponiye eng axirida turghan. Yeni ayrim-ayrim halda : jenubiy afriqa 87.2 nomur, amérika 86.2 nomur, fransiye 79.2 nomur, yaponiye 66.5 nomurgha érishken. Yaponiye qizliri bergen nomur 1 – orunda turudighan jenubiy afriqa we 2 – orunda turudighan amérika bilen sélishturghanda, 20 nechche nomurla perqlengen.

anisigha oxshash ayal bolushni xalaydighan xalimaydighanliqi soralghanda, yaponiyelik qizlar ichide peqet 17.1% kishi xalaymen dégen bolup, yenila töt dölet ichide eng töwen orunda turghan, 1 – orunda turghini amérika bolup, 47.6%; 2 – we 3 – orunda turghini bolsa jenubiy afriqa bilen fransiye bolup, ayrim ayrim halda 44.2% we 29.1% ni igiligen.

"anam burunqidin güzelliship ketti" namliq yene bir türlük tekshürüsh netijisidin qarighanda, yaponiyelik qizlarning igiligen nisbiti yérimgha yetmigen bolup, töt dölet ichide yenila eng töwen orunda turghan. Tekshürüshte bayqilishiche, yaponiyelik qizlar daim öz dostini güzel dep maxtighini bilen, anisini güzel dep maxtaydighanlar bek az iken.

tekshürüsh netijisige asasen, yene bir türlük qiziqarliq hadise bayqalghan: yaponiyelik qizlar öz anisining güzellikini bahalighanda mijez, eqil idrak jehetke alahide köngül bölidiken, biraq bashqa ayallarning güzellikini bahalighanda tashqi obrazigha alahide ehmiyet béridiken. Beziler mundaq tehlil qilishti, bu yaponiyelik qizlarning öz anisini bahalash ölchimi bilen bashqa ayallarni bahalash ölchimining oxshash emeslikini chüshendürüp béridu.

hemmige melumki, yaponiyelik "ana" lar amérika, fransiye qatarliq bir qisim döletlerdiki "ana" largha qarighanda téximu köp zéhnini ailige qaritidu, hetta nurghun yaponiyelik ayallar toy qilghandin kéyinla xizmet ornidin ayrilip aile ayali bolup qalidu, ular pütün zéhnini érini kütüsh we balilarning kündilik turmush ishlirigha qaritidu. Biraq bu qétimqi tekshürüsh netijisidin qarighanda, yaponiyelik ayallarning bu xil "qurbanliq bérish rohi" yaxshi jawabqa érishelmigen, eksiche ularning baliliri "anisini adettiki bashqa ayallardek güzel emes" dep hés qilishqan, bu ademni chongqur oygha salidighan ish, elwette!

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene