Bash bet>>Ghelite ishlar
Ürümchidiki "hajetxana kawapxanisi" kishilerning diqqitini tartti
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-11-27

 

"hajetxana kawipi? Qandaq isim bu?" "bilmeymen, bu isim bekla ghelitimu qandaq, kirishke jüret qilalamsiz?" 22-noyabir xunen yoli changching 2-etret kocha aptobus békitining yénidiki bir ashxanining aldigha "hajetxana kawipi" dep yézilghan wiwiska ésilghan idi, sheher ahalisi sün xanim we uning ikki dosti qiziqish ilkide ashxanigha kirdi.

yéngi échilghan bu ashxanining ademni eng qiziqturidighini wiwiskisigha yézilghan "chéngdu hajetxana qazan kawipi" dégen chong xetler idi. Ashxanining 45 yashliq xojayini yen chüenli mundaq dédi: "ashxanigha kirgen xéridarlarning hemmisi dégüdek mendin xojayin, némishqa bundaq isim qoydingiz? Dep soraydu. "hajetxana kawipi" chéngdudiki dangliq taam hazir béyjing, shangxey, changsha, shien qatarliq jaylarda zenjirsiman dukanliri bar tijariti yaxshi, bizning ashxana ürümchidiki tunji "hajetxana kawipi" ashxanisi."

muxbir matériyallarni axturup bu "alahide" nam bérilgen kawapxanining heqiqetenmu nurghun xéridarlarni jelp qilghanliqini, mundaq nam qoyulushtiki seweb bu kawapxana eslide yol boyidiki tamaq yaymisi bolup yayma addiy, nam qoyulmighanliqini este tutuwélishqa qulay bolishi uning üstige yéqin etrapta bir ammiwi hajetxana bar bolghanliqi üchün mushundaq nam qoyulghanliqini bayqidi. Ürümchidiki "hajetxana kawipi" ashxanisining udulida derweqe bir ammiwi hajetxana bar iken.

22-noyabir chüsh saet ikkide muxbir mezkur kawapxanigha kirdi, bu yerde tamaq yewatqan xéridar shyawming mundaq dédi: "men ündidardiki dostlar chembirikidin bu ashxanining barliqini bildim, ashxanigha kiripla yene zada yeymu-yémeymu dep ikkilendim, rasttinla yégen waqtimda héchqandaq chataq yoqliqini hés qildim. Dostlar chembirikide beziler bu xil namni körüp bekla mubalighe qiliwetkendek hés qiptu." muxbir mushu ashxanining aldidin ötüp kétiwatqan sheher ahalilirini ziyaret qildi, bir qsim sheher ahaliliri "ashxana nami bekla ghelitiken ishtiha tutulup qalidu bu ashxanigha kirip tamaq yémeymiz" dédi. Yene bir qisim sheher ahaliliri ashxana namining peqet bir belge ikenlikini, eger kawaplirining temi yaxshi bolsa kirip yep béqishni oylishidighanliqini bildürüshti.

yen chüenli mundaq dédi: "yéngi achqan waqitta xéridarlar qobul qilalmay tijaritimning yaxshi bolmasliqidin emdishe qilghan idim, lékin kéyin tamaq yeydighanlarning xélila köplükini bayqidim. Ashxanida tamaq yeydighanlarning mutleq köp qismi yashlar, köpinchisi yene ashxana wiwiskisini resimge tartip dostlar chembirikige yollaydu, ashxanida her küni 70-80 xéridar ghizalinidu." ashxanida kawap yewatqan lyu ependi muxbirgha özining chéngduda "hajetxana kawipi"ni yep baqqanliqini, ürümchidimu mushundaq ashxanidin birsi échilghanliqini anglap xizmetdashlirini bashlap tamaq yégili kelgenlikini éytip mundaq dédi: "temi chéngdudiki ashu ashxaniningki bilen oxshaydighan yaki oxshimaydighanliqini körüp baqqum keldi." 23 yashliq wang jyadong mundaq dédi: "ashxana namining özgiche ikenlikini hés qildim, méning bu yerde tunji qétim tamaq yéyishim."

soda-sanaet tarmaqliri: tawar marksini royxetke alghili bolmaydu

talash-tartish qozghaydighan namlar bilen xéridarlarni jelp qilishta bu tunji qétimliqi emes. Teret qachisi réstorani, chéngüen gherbche chay yaymisi qatarliqlarning hemmisi xéridarlar teripidin ghelite nam dep bahalanghan. Igilinishiche bu xildiki namlar choqum tawar marksini royxetke élish qiyinchiliqigha duch kélidiken. Ürümchi shehiri shimigu rayonluq soda-sanaet memuriy bashqurush idarisining xizmetchisi tawar marksi qanunidiki belgilimige asasen omumen shehwaniyliqqa, zeherge, qimargha hemde peskesh mezmunlargha chétishliq karxana namliri royxetke élinmaydighanliqini, "hajetxana" dégen sözni ashxanigha nam qilip ishlitishning edepsizlik, namlarni royxetke élishning alaqidar belgilimilirige xilap, royxetke alghili bolmaydighanliqi shundaqla yene döletning alaqidar qanunlirining qoghdishigha érishelmeydighanliqini bildürdi. Muxbirning igilishiche ashxana wiwiskisini royxetke aghdurghili bolmighanliqtin "hajetxana kawapxanisi" tip özgertip kéngiyelmigen, chéngdudiki bir "hajetxana kawapxanisi"mu amalsiz namini özgertken.


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene