Bash bet>>Ghelite ishlar
35 yil bille öy tutqan éri öz dadisi bolup chiqqan ayal
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-12-17

 

chetel Taratqulirining Xewirige qarighanda, amérikiliq bir ayal yoldishi bilen 35 yil öy tutqandin kéyin yoldishi ölüp ketken, uning taghisi shu chaghdila andin bu ayalning yoldishining eslide öz dadisi ikenlikini éytip bergen. Ademni qattiq heyran qalduridighan bu xewer keynidin DNA tekshürüsh arqiliq jezimleshtürülgen. Ademni téximu heyran qalduridighini shuki, bu ayalning taghisining éytishiche, uning dadisi xéli burunla öz qizi bilen toy qilghanliqidin xewer tapqan bolushi mumkin iken.

bu bichare ayal bolsa amérikining oxayo shitatida turushluq walirié sipruil (Valerie Spruill) isimlik ayal bolup, hazir 60 yashqa kirgen. Waliriéning apisi kechlik bezmixana (pahishixana) da ishleydighan bolghachqa, walirié ezeldin özining dadisining kimlikini uqmay kelgen, u kichikidinla bowisi we momisi bilen bille turup kelgen bolup, chong bolghandin kéyin walirié pérsiy siprruriyér isimlik er bilen tonushup muhebbetlishishke bashlighan. Ikkisi nahayiti tézla toy qilip kéyin üch baliliq bolghan, walirié ezeldin özining yoldishi bilen ötken künlirini nahayiti bextlik hés qilip kelgen.

kéyin waliriéning yoldishi wapat bolghan bolup, pérsiy (yene yoldishining taghisi) ning taghisi shu chaghdila andin waliriégha özining del yoldishining öz qizi ikenlikini éytip bergen. Özining yoldishidin tughulghan qiz ikenlikini anglighan walirié öydiki bir tal targhaqtin yoldishining bir tal chéchini bayqap qalghan hem öz könglikidiki bu tügünge jawab tépish üchün yoldishining chéchini élip doxturxanigha bérip DNA tekshürtüsh arqiliq özi we yoldishi toghrisida tarqalghan bu ‹ bimene gep-söz› lerge zerbe bermekchi bolghan. Léin DNA tekshürüsh netijisi del uning taghisi we bashqilar sözlep yürgen ‹ bimene gep-söz› ni rastiliqini ispatlighan bolup, uning téximu achchiqini keltürgini bolsa, taghisi uninggha yoldishining hayat waqtidila öz xotunining özidin tughulghan qiz ikenlikini uqup qalghanliqini, lékin bu xataliq alliqachan yüz bergen bolghachqa, waliriégha bu heqiqiy ehwalni ashkarilashtin qorqup izchil halda bu sirni yoshurghan péti ölüp ketkenlikini éytip bergen.

 

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene