Bash bet>>Ghelite ishlar
Hindistanda kala gendisi we süydükidin paydilinip hösn güzelleshtürüsh mehsulati yasaldi
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-12-17

 

 

amérika Odditycentral tor békitining 12-ayning 15-künidiki xewirige qarighanda, hindistandiki ongchil hökümetsiz teshkilat-Visha Hindu Parishad yéqinda bir yürüsh ghelite hösn tüzesh mehsulatlirini élan qilip bazargha salghan bolup, hösn tüzesh mehsulatlirining terkibide kala gendisi we kala süydükidin ibaret ikki xil alahide terkib bar iken.

Visha Hindu Parishad namliq bu teshkilatining mesuli- wénkatésh abdio mundaq dédi:‹ hindistan eneniwi tibabitining qarishiche, kala süydüki bolsa danixorek chiqishning aldini alalaydighan bolup, kala süydükining dora ornida ishlitilip kelginige nechche yüz yil bolghan. Lékin kishiler kala gendisini ishlitishni xalimaydighan bolup, bumu del bizning bu xil hösn tüzesh mehsulatimizgha kala gendisi ishlitishimizning bir sewebi, tibbiy dora we hösn tüzesh mehsulatliri ichige kala süydükini arlashturup ishletkende yene déhqanlarning kalilirini sétiwétishining aldini alghili bolidu› ( izahat: bu yerdiki menisi belkim bir tereptin hindistanliqlarning kalini ulughlash aditi boyiche kala sétishni yaman ish dep qarighanliqtin bolghan bolsa yene bir tereptin kala süydüki déhqanlar üchün iqtisadiy nep élip kelgenliki üchün, kalisini sétishtin yénip qélishi mumkin dégen menide bolushi mumkin-tehrir köz qarishi).

Visha Hindu Parishad namliq bu teshkilat bazargha salghan hösn tüzesh mehsulatlirining ichide kala süydüki, sebre (aloy) shirnisi shundaqla örük méghizi yéghi qatarliqlardin yasalghan hösn tüzesh sopuni, kala gendisidin yasalghan yuyunush suyuqluqi, sériq mom we dümlengen kala gendisidin yasalghan nemlik saqlash méyi qatarliqlar bar bolup, abdio bu mehsulatlarning hemmisining pütünley tebiiy ikenlikini, bazardiki shu xil mehsulatlarning süpitidin yaxshi ikenlikini éytqan.

abdio yene qoshumche qilip kishilerning bu xil mehsulatlarni ishletkende sésiq puraq chiqishtin ensirishining hajiti yoq ikenlikini éytqan bolup, chünki ular mehsulat ishlepchiqirish jeryanida bu xil sésiq puraqlarning köp qismini alliqachan tazilap chiqirip tashlighaniken. Bu teshkilatning qarishiche, kala gendisi bilen kala süydüki buningdin kéyinki hösn tüzesh, tére asrash sahesige ghayet zor islah élip kéleleydighan bolup, kishiler bu xil terkiblerdin yasalghan yéngi hösn tüzesh mehsulatlirining tetqiq qilip échilishigha meblegh sélish arqiliq eneniwi qedimki tibabet rétsiplirining umumlishishini ilgiri sürse bolidiken.

qiziqarliq yéri shuki, yuqarqi mehsulatlar hergizmu Visha Hindu Parishad namliq bu teshkilatning eng ghelite mehsulati hésaplanmaydighan bolup, buningdin besh yil burun bu teshkilat ichimlik sahesige yürüsh qilip kirip, kala süydükidin yasalghan bir xil ichimlik mehsulatini bazargha salghaniken.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene