Bash bet>>Ghelite ishlar
Mashina soqup ölgenliktin kömüwétilgen müshük besh kündin kéyin tirilip qaytip keldi
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2015-02-01

 

koriye birleshme agéntliqining 1-ayning 28-künidiki xewirige qarighanda, amérika "niyuyork pochta géziti" we amérika radio shirkiti (ABC) qatarliq taratqularning xewer qilishiche, 23 ayliq bolghan "bat" isimlik bir müshük qatnash weqesige uchrap ölgendin kéyin kömüwétilgen bolup, aridin besh kün ötkendin kéyin bu müshük qayta tirilip eslidiki igisining öyige qaytip kelgeniken. Bat isimlik bu müshük mushu ish sewebidin kishilerdin teripidin "möjizilik müshük" dep atalghan.

xewerde éytilishiche, amérikining filorida shitatida olturushluq Herson ikki hepte ilgiri özi béqiwatqan bat isimlik müshükning pütün bedini qangha boyalghan halda yolning otturisida midirlimastin yatqanliqini bayqighan, shuning bilen u müshükni mashina soquwétip öltürüp qoyghan oxshaydu dep oylap qoshinisining yardimide bu müshükni kömüwetkeniken. Lékin bat isimlik bu müshük besh kündin kéyin yene qayta peyda bolghan bolup, bu chaghda müshükning bedini intayin ajizlap ketken shundaqla éghir derijide susizlinip ketkeniken.
Herson mundaq dédi:"eyni chaghda ishikni achqandin kéyin qoshnamning men kömüp qoyghan müshükni quchaqlap turghanliiqini körüp qattiq qorqup kettim". Uning qoshnisimu buningdin qattiq heyran qalghanliqini éytip mundaq dédi:"menmu eyni chaghda müshükning ölgendin kéyin bedinining nahayiti muzlap ketkenlikini, uning midirlimastin yatqanliqini éniq körgen idim".

bat isimlik müshük qaytip kelgendin kéyin haywanatlar doxturxanisigha dawalash üchün apirilghan bolup, bu doxturxana terepmu ipade bildürüp:"biz gerche haywanatlarni dawalash jeryanida her xil heyran qalarliq ishlarni uchratqan bolsaqmu, lékin bu qétim yüz bergen bu ish heqiqeten möjize idi, dawalanghandin kéyin bat isimlik bu müshük hazir normal turmush kechüreleydighan boldi" dégen.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene