Bash bet>>Ghelite ishlar
14 yil uda prawa alalmighan ayalni mudir méhman qilip uzitip qoydi
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2015-04-29

aldinqi küni wuchangdiki melum bir tordash mikro bilogida "xeyr-xosh shopurluq mektep, men oqumasliqni qara qildim dep" élan qilghan.

 Arqidin muxbir wang famlilik derijidin tashqiri uzun oqighan bu oqughuchini ziyaret qilghan.

wang famililik bu ayal wuchangdiki melum bir kespiy orunda ishleydighan bolup, u 2001-yili shu jaydiki bir shopurluq mektipige oqushqa tizimlatqan we neziriye imtihanidin tézla ötüp bolghan.

ikkinchi tür imtihanigha kelgende uning xizmiti aldirash bolghanliq sewebidin meshiqqe waqtida chiqalmighan, meshiq waqtimu yéterlik bolmighan, uning üstige uning yönilish sézimi alahide nachar iken, yene téxi meshiq jeryanida ushtumtut birer tosalghu jisimgha uchrisa derhal rolni qoyuwétip közini yumuwalidiken, mushundaq türlük sewebler tüpeyli nechche yilghiche ikkinchi tür imtihanidin ötelmigen. Arqidin uning deslepki töligen puli mushundaq bikargha ketken, arqidin u hazirghiche uda besh qétim pul tapshurghan, trénérni almashturup baqqan biraq bu "pishqedem" oqughuchi qandaqla qilsun yenila ötelmigen, axirida 14 yil ötüp bügünge kelgende bu xanim prawa élishtin waz kechken.

uninggha mashina heydeshni ögetken trénérmu özining her qandaq oqughuchigha hettaki bowa-momisighimu ögiteligenliki biraq bu xanimgha amal qilalmighanliqini éytqan.

yéqinda wang xanim torda "ghelite ayal shopur" dégen bir sin filimini körüp özining mashina heydeshke mas kelmeydighanliqini bayqighan we oqumasliqni qarar qilghan, uning bu qararini anglap xushal bolghan mektep mudiri derhal uning oqush pulini qayturup bergen we "sizni méhman qilip uzitip qoyay" dep tamaqqa teklip qilghan, mektep mudiri yene nawada siz mushu téxnikingiz bilen prawa alghan bolsingiz men jemiyetke yüz kélelmeyttim dégen.

wang xanim mektep mudiri we trénérlar bilen tamaq yep olturup "adem bir nersidin waz kechse azablinidu biraq bu azab uzun muddet bolmaydu, nawada waz kechmey jahilliq qilsa axirida ömürlük azabqa qalidu, méning waz kechkinim toghra boldi, menmu qatil shopur bolushni xalimaymen" dégen.

hemme ademning mashina heydeshni öginelishi natayin shunglashqa özingizge mas kelmigen ishqa bihude waqit israp qilmang!

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene