Bash bet>>saghlamliq
Samawar shorpisi ichkende töwendiki birqanche nuqtigha diqqet qiling
Tehrir:Gülbehrem muxtar     Menbesi:     Yollan'ghan waqit: 2014-06-16

 

 

1.Samawar shorpisini bek achchiq qilip tengshimeslik kérek. Kishiler samawer shorpisini achchiq qilip tengshep ichkende bedendin ter chiqip, yéniklep qalghandek hés qilidu, dep qaraydu. Bu qarash xata. Chünki tébabette bek achchiq ghizalanmasliq tekitlinidu. Achchiq tem aldi bilen ademning qizil önggichige, andin ashqazan, üchey qatarliq ezalargha tesir körsitidu. Achchiq tem ademning ashqazan, üchiyige kirgendin kéyin küchlük ghidiqlash peyda qilidu, ashqazanning kislataliqi éship, qorsaqni kötüridu. Undin bashqa qizil önggech, ashqazan yallughini keltürüp chiqiridu. Hezim qilish ezaliri saghlam bolmighan kishilerde tebiiyla ichi sürüshni keltürüp chiqiridu.
2.Samawar shorpisigha salghan yémekliklerni bek qiziq yémeng. Nurghun kishi samawar shorpisidiki yémekliklerni qiziq yégende, beden terlep adem özini yéniklep qalghandek sézidu, dep qaraydu. Tébbiy mutexessislerning qarishiche, ademning éghiz boshluqi, qizil önggichi, ashqazini 50 sélsiye giradusluq qiziqqila berdashliq béreleydiken, emma samawar shorpisining qaynawatqan chaghdiki témpératurisi 120 giradusqa yetkechke, qiziq yémeklik ademning éghiz boshluqi, til, kanay, qizilönggech,ashqazan shilliq perdisini zeximge uchritidu.
3.Samawar shorpisigha salghan yémekliklerni yérim pishshiq halette yémeng. Yashlar samawar shorpisi ichkende qoy, kala, béliq göshlirini chala pishurup yéyishni yaxshi köridu. Bundaq qilish salametlikke ziyanliq. Chünki chala pishqan göshni yégende hezim qilish tesrek bolupla qalmay yene gösh terkibide nurghun mikrob we parazit qurut tuxumi bolidu, ular yémeklik bilen adem bedinige kirgende türlük késelliklerni peyda qilidu.
4.Nurghun kishi samawar shorpisigha her xil gösh, bödüne tuxumi, yéngi köktat sélinip qaynitilghachqa, shorpisining ozuqluq qimmiti yuqiri dep qarap, shorpini qaldurmay ichishni yaxshi köridu. Yémeklik mutexessisliri : samawar shorpisining tem xuruchi asasen qoy, kala yéghi shundaqla much, qarimuch, kawawichin qatarliqlardin teyyarlinidighan bolghachqa, shorpini köp ichiwetkende qan qoyuq, yuqiri qan bésimi,ötte tash peyda bolush, on ikki barmaq üchey yallughi, éghiz boshluqi yallughi, danixorek örlesh qatarliqlarni keltürüp chiqiridu. Uningdin bashqa samawar qazini (korisi)ni uzaq waqit ishlitip, almashturmighanda uning terkibidiki maddilar bilen yémeklik terkibidiki maddilar réaksiyeliship, bedenge ziyanliq maddilarni peyda qilidu,dep qaraydu. Gösh, déngiz mehsulatliri terkibidiki bulin qatarliq maddilar samawer shorpisida érip, köp miqdardiki nitrat hasil qilip, ademning börek iqtidarigha tesir yetküzidu, rématizm késilini peyda qilidu. Shunga samawer shorpisini eng yaxshisi köp ichmeslik kérek.
5.Samawar shorpisigha salghan yémekliklerni bek uzaq qaynatmasliq kérek. Türlük yémeklikler bir qazanda 90 minuttin uzaq waqit qaynighanda, shorpa terkibidiki nitritlarning miqdari éship kétidu, u yémeklik bilen adem bedinige kirgendin kéyin nitro zamin peyda qilidu. Nitro zamin rak peyda qilghuchi madda bolup, adem bedinide yellik boghum aghriqi, ösme qatarliq nurghun késellerni peyda qilidu. Samawar shorpisigha pichekgüli (shenyaw) qatarliq yéngi köktatlarni sélip yégen eng paydiliq. Béliq göshi kumilichi qatarliq pishshiqlap ishlengen yémekliklerni shorpigha arilashturmasliq, qoyulup ketken samawar shorpisigha chöp salmasliq kérek. Chünki chöp samawar shorpisida sel uzaqta pishidu, bu jeryanda chöp shorpidiki ziyanliq maddilarni asanla sümürüwalidu – de salametlikke tesiri bolidu.
6.Éship qalghan samawar shorpisini etisi yene ichishke bolmaydu.Qismen kishiler töküwétish israpchiliq dep qarap, etisi qayta issitip ichidu. Bundaq qilish salametlikke ziyanliq. Chünki samawar qazinida bolupmu mis qazanda bir kéche turghan shorpa terkibidiki her xil nitratlar shundaqla zeherlik mis oksid salametlikke nahayiti ziyanliq.


Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene